მოკლედ: პრემიერ-მინისტრი, ირაკლი ღარიბაშვილი, სამუშაო ვიზიტით ბელგიის სამეფოში წავიდა, რომ მონაწილეობა მიიღოს ევროკომისიის მიერ ორგანიზებულ ფორუმში — გლობალური კარიბჭის ფორუმი 2023.

დეტალები: მთავრობის ადმინისტრაციის მიხედვით, ფორუმის ფარგლებში გამართულ სამუშაო პანელზე — სატრანსპორტო დერეფნები, ღარიბაშვილი მთავარი მომხსენებელი იქნება.

  • ღარიბაშვილი ფორუმში მონაწილეობის მისაღებად ევროკომისიის პრეზიდენტმა, ურსულა ფონ დერ ლაიენმა მიიწვია.

რა ვიცით გლობალური კარიბჭის შესახებ: ეს არის ევროპული სტრატეგია, რომელიც მიზნად ისახავს უსაფრთხო კავშირების გაუმჯობესებას ციფრულ, ენერგეტიკულ და სატრანსპორტო სექტორებში, ასევე − ჯანდაცვის, განათლებისა და კვლევის სისტემების გაძლიერებას მთელ მსოფლიოში.

  • გლობალური კარიბჭე აერთიანებს როგორც ევროკავშირსა და მის წევრ ქვეყნებს, ისე ფინანსურ და განვითარების ინსტიტუტებს.