რატომ არის მნიშვნელოვანი: აგვისტოში საინფორმაციო სააგენტო cnews-მა გაავრცელა ფოტოები, რომლებიც ირაკლი ღარიბაშვილის აშშ-ში ყოფნისას, მანჰეტენზეა გადაღებული.

  • მომხდარს საზოგადოებასა და პოლიტიკურ წრეებში უკმაყოფილება მოჰყვა.
  • ღარიბაშვილს ორმაგ სტანდარტებში ადანაშაულებდნენ, ამბობდნენ, რომ ქვეყანა რუსული გზით მიჰყავს, თავად კი აშშ-ში ისვენებს.
  • გაიჟღერა ბრალდებებმა მგზავრობის ხარჯების დაფინანსებასთან დაკავშირებითაც.
  • მთავრობის სტრატკომმა მაშინ განაცხადა, რომ საზოგადოების შეცდომაში შეყვანის მიზნით ცრუ ინფორმაცია მიზანმიმართულად ვრცელდებოდა.
  • გუშინ, TV პირველის გადაცემაში, ნოდარ მელაძის შაბათი, ჯორჯიან ეარვეისის ხელმძღვანელმა, თამაზ გაიაშვილმა თქვა, რომ ირაკლი ღარიბაშვილი გერმანიაში, მიუნხენში მისმა კომპანიამ წაიყვანა.
  • "თვითმფრინავი მათია, ჯორჯიან ეარვეისი ემსახურება", — უთხრა მან TV პირველის ჟურნალისტს.

დეტალები: TV პირველში გასული სიუჟეტის შემდეგ, მთავრობის სტრატკომმა კიდევ ერთი განცხადება გაავრცელა, რომელშიც ისევ იმეორებს, რომ ღარიბაშვილის მოგზაურობის ხარჯი სახელმწიფო ბიუჯეტიდან არ გაწეულა.

  • მათი მტკიცებით, ტელეკომპანია პირველის ეთერში გასული სიუჟეტი დეზინფორმაციულია.