რატომ არის მნიშვნელოვანი: სანქცირებული რუსი ოლიგარქებისთვის ჩამორთმეულ აქტივებს აშშ უკრაინას პირველად გადასცემს.

  • უკრაინული მედიის ინფორმაციით, საუბარია 5,4 მილიონ დოლარზე, რომელიც ვეტერანთა რეაბილიტაციასა და მხარდაჭერას მოხმარდება.

დეტალები: აშშ-ის სახელმწიფო მდივანმა, ენტონი ბლინკენმა კიევში გამართულ პრესკონფერენციაზე განაცხადა, რომ უკრაინისთვის, ასევე, გათვალისწინებულია ერთი მილიარდი დოლარის დახმარების ახალი პაკეტი.

  • "უსაფრთხოების სფეროში უკრაინის საჭიროებების გარდა, პირველად გადავცემთ უკრაინას სანქცირებული რუსი ოლიგარქებისთვის ჩამორთმეულ აქტივებს, რომელთა გამოყენებაც ახლა მოხდება უკრაინელი ვეტერანი სამხედროების მხარდასაჭერად. [...] ვინც ხელს უწყობდა პუტინის აგრესიულ ომს, ამისთვის უნდა გადაიხადოს", — თქვა მან.