People-ის ინფორმაციით, სემ ასგარმა ბრიტნი სპირსთან განქორწინება მოითხოვა. ასგარის მენეჯერი ამის შესახებ კომენტარს არ აკეთებს, თუმცა People-ს მრავალმა წყარომ დაუდასტურა, რომ ბრიტნი სპირსი და სემ ასგარი დაშორდნენ.

შეგახსენებთ, რომ 5-წლიანი ურთიერთობის შემდეგ ბრიტნი სპირსი სემ ასგარზე 2021 დაინიშნა. იმ პერიოდში, კი როცა ბრიტნი მამის მეურვეობისგან გათავისუფლებას ცდილობდა, სემი იყო ერთ-ერთი ადამიანი, რომელიც მას წლების განმავლობაში გვერდში ედგა. ბრიტნი სპირსმა, რომელიც 13 წელი მამის მეურვეობის ქვეშ იყო, ერთ-ერთ სასამართლო პროცესზე აღნიშნა, რომ შეყვარებულზე დაქორწინება და შვილების ყოლა უნდოდა, თუმცა ამის უფლებას არ აძლევდნენ.

ფოტო: Getty Images

თებერვლიდან სხვადასხვა ჭორები ვრცელდებოდა იმის შესახებ, რომ ბრიტნისა და სემს ერთად თანაცხოვრებისას პრობლემები ჰქონდათ. გარდა ამისა, ფოტოებში ბრიტნი სპირსი და სემ ასგარი საქორწინო ბეჭდების გარეშეც დააფიქსირეს. ასგარის წარმომადგენლის განცხადებით კი, მსახიობმა ბეჭედი ფილმის გადაღებების გამო მოიხსნა. ამ დრომდე წყვილი დაშორების შესახებ ოფიციალურ ინფორმაციას ავრცელებს.

შეგახსენებთ, რომ ბრიტნი სპირსი 13-წლიანი მეურვეობისგან 2021 ნოემბერში გათავისუფლდა. აღსანიშნავია, რომ მეურვეობის გაუქმების საქმეში უდიდესი როლი სწორედ ბრიტნი სპირსის ერთგულმა მსმენელებმა ითამაშეს: ფანებმა სოციალურ ქსელებში დაიწყეს მოძრაობა #FreeBritney (თავისუფლება ბრიტნის) და ამტკიცებდნენ, რომ მომღერალს სასამართლოს მიერ დანიშნული მეურვე, კონკრეტულად კი მამამისი, ჯეიმს სპირსი, არასათანადოდ ეპყრობოდა და თავისუფლებას საჭიროზე მეტად უზღუდავდა.