კოსტიუმების დიზაინერი კინოში ერთ-ერთი ყველაზე მნიშვნელოვანი და საპასუხისმგებლო პროფესიაა. მათი ღვაწლის დასაფასებლად კი ამერიკის კინოაკადემიამ 1948 წელს ოსკარზე სპეციალური ნომინაციაც კი დაამატა.

სწორედ ისინი ქმნიან ერთ-ერთ კინოში მთავარ კომპონენტს, გვიჩვენებენ ეპოქას და ხშირად ქმნიან განწყობას, ამა თუ იმ პერსონაჟის ხასიათს.

ხშირ შემთხვევაში სწორედ მათი წყალობით ხდება კინოსურათი საკულტო და ისტორიული, ტანსაცმელი კი რომელიც პერსონაჟებს აცვიათ ხშირად მოდის განმსაზღვრელიც კი ხდება.

კინოს ისტორიაში მრავლად მოიძებნება ისეთი ფილმი, რომლებშიც კოსტიუმების დიზაინერმა საკულტო კოსტიუმები შექმნა. რა თქმა უნდა, ყველა მათგანს ერთ სტატიაში ვერ ჩავატევთ, თუმცა გთავაზობთ რამდენიმეს.

ვივიენ ლის კაბა ფილმიდან ქარწაღებულნი

სკარლეტ ოჰარას მწვანე კაბა უოლტერ პლანკეტმა შექმნა, რომელიც წლების შემდეგ, ბევერლი ჰილსის აუქციონზე, $137 ათასად გაიყიდა.

ანიტა ეკბერგის კაბა ფილმიდან ტკბილი ცხოვრება

თუ ფელინის ტკბილი ცხოვრება ნანახი გაქვთ, აუცილებლად გემახსოვრებათ ანიტა ეკბერგის პერსონაჟის ცეკვა შადრევანში. შესაძლოა სწორედ ეს კაბა გახდა იმის მიზეზი, რომ ფილმმა, უფრო კონკრეტულად კი ფელიპე ჟერარდიმ, 1960 წელს საუკეთესო კოსტიუმების დიზაინერის ნომინაციაში ოსკარი მიიღო.

ოდრი ჰეპბერნის კაბა ფილმიდან საუზმე ტიფანისთან

ჰოლი გოლაითლი, გარდა იმისა, რომ როგორც პერსონაჟი ისე შევიდა კინოს ისტორიაში, ხშირად, ყველას შავი კაბითა და მუნდშტუკით ახსენდება. წლების შემდეგ, ჟივენშის საკულტო კაბა $807 ათასად გაიყიდა.

ბეტ დეივისის კაბა ფილმიდან ყველაფერი ევას შესახებ

როდესაც ფილმზე ყველაფერი ევას შესახებ საუბრობ, პირველი რაც გახსენდება ბეტ დეივისის პერსონაჟი მარგო ჩანინგი, მისი კაბა და სიგარეტია, რომელიც მას გამუდმებით ხელში უჭირავს. შეიძლება ითქვას, რომ დიზაინერმა ედიტ ჰედმა ზუსტად გაარტყა და ფილმისთვის ნამდვილად შთამბეჭდავი კოსტიუმები შექმნა.

ოდრი ჰეპბერნის კაბა ფილმიდან საბრინა

ჟივენშისა და ოდრის კოლაბორაციამ ამ შემთხვევაშიც გაამართლა.

კატრინ დენევის კაბა ფილმიდან დღის ლამაზმანი

ივ სენ ლორანმა, 1967 წელს, კატრინ დენევს ფილმისთვის დღის ლამაზმანი ძალიან ბევრი ლამაზი სამოსი შეუკერა, თუმცა როდესაც ამ ფილმზე საუბრობენ ხშირად იხსენებენ შავ კაბას, რომელმაც დენევის პერსონაჟს იდუმალება და მისტიკურობა შემატა, საბოლოო ჯამში კი მის ერთ-ერთ სიმბოლოდაც იქცა.

კვლავ ოდრის კაბა ფილმიდან ჩემი მშვენიერი ლედი

ამ კაბასთან დაკავშირებით ერთი საინტერესო ისტორია არსებობს. წლების წინ ის მსახიობმა დები რეინოლდსმა $100 ათასად შეიძინა, შემდეგ კი $3.7 მილიონად გაყიდა აუქციონზე.

ჯულია რობერტსის კაბა ფილმიდან ლამაზმანი

ყოფილი სექს მუშაკის, ვივიენის კაბა, რომელიც მას ოპერაში ეცვა, დღემდე ერთ-ერთ მნიშვნელოვან დეტალად ითვლება არამხოლოდ ფილმისთვის, არამედ კინო დიზაინის ისტორიაშიც.

მერილინ მონროს კაბა ფილმიდან ჯენტლმენები ირჩევენ ქერებს

მერილინ მონროსა და უილიამ ტრავილლას კოლაბორაციამ ნამდვილად საკულტო კაბა შექმნა.

მერილინ მონროს კაბა ფილმიდან შვიდი წლის თავზე

ამ კადრით ყველაფერი ნათქვამია.