რატომ არის მნიშვნელოვანი: 11-12 ივლისს, ვილნიუსში ნატოს სამიტი იმართება, რომელშიც უკრაინის ლიდერი, ვოლოდიმირ ზელენსკიც მონაწილეობს.

  • ალიანსის წევრი სახელმწიფოები ომში მყოფი უკრაინის დახმარებასა და უსაფრთხოების გარანტიებზე იმსჯელებენ, ასევე, განიხილავენ ქვეყნის გზას NATO-ს წევრობისკენ.
  • უკრაინის საგარეო საქმეთა მინისტრმა, დმიტრო კულებამ 10 ივლისს განაცხადა, შეთანხმება მიღწეულია და NATO-მ გადაწყვიტა, უკრაინა ალიანსში MAP-ის გარეშე გაწევრიანდეს.

ზელენსკის განცხადებით, უკმაყოფილოა მიღებული სიგნალებით, რომ არ არსებობს მზადყოფნა, უკრაინა გახდეს ალიანსის წევრი.

  • "უკრაინა წარმოდგენილი იქნება ვილნიუსში, ნატო-ს სამიტზე, რადგან ეს პატივისცემაა, მაგრამ უკრაინაც იმსახურებს პატივისცემას. ვილნიუსისკენ მიმავალ გზაზე მივიღეთ სიგნალები, რომ ფორმულირება უკრაინის გარეშე განიხილება და მინდა, ხაზგასმით აღვნიშნო: ეს ფორმულირება მხოლოდ მიწვევას ეხება და არა უკრაინის წევრობას", — წერს ის.
  • ზელენსკი უპრეცედენტოსა და აბსურდულს უწოდებს იმ ფაქტს, რომ უკრაინის ნატოში გაწევრიანების ვადა არ არსებობს.
  • მისივე განცხადებით, ამას ემატება "უცნაური ფორმულირება პირობებზე"
    უკრაინის მიწვევისთვის.
  • "ეს ნიშნავს, რომ რუსეთთან მოლაპარაკებებში რჩება ვაჭრობის შესაძლებლობა უკრაინის ნატოში გაწევრიანებაზე. რუსეთისთვის ეს ნიშნავს მოტივაციას, გააგრძელოს ტერორი მომავალში", — აცხადებს უკრაინის პრეზიდენტი.