Altervision Group-ის დაარსებული Tbilisi Open Air რეგიონის ყველაზე დიდი ფესტივალია, რომელიც როკის, პოპის, ჯაზისა და ელექტრონული მუსიკის ცნობილ შემსრულებლებს აერთიანებს. წლების განმავლობაში ფესტივალმა უმასპინძლა Deep Purple-ს, Placebo-ს, Beth Hart-ს, Archive-ს, ALT-J-ს, Sevdaliza-ს, Cigaretes After Sex-ს, David August-ს და ასეულობით სხვა მომღერალსა და ბენდს.

წლებია ფესტივალს უამრავი მხარდამჭერი ჰყავს, რომლებიც ამ საოცარი გარემოსა და დღეების შექმნაში მონაწილეობენ. თიბისი უკვე მრავალი წელია Tbilisi Open Air-ის მეგობარია და მათთან ერთად დაუვიწყარ დღესასწაულსა და საუკეთესო მუსიკალურ გამოცდილებას სთავაზობს მსმენელს. თიბისის მომხმარებლებმა წელს ფესტივალზე სხვადასხვა შეთავაზებითა და ფასდაკლებებით ისარგებლეს.

Tbilisi Open Air 2023-ის სამდღიან ღონისძიებაზე, ლისის საოცრებათა ქვეყანაში ერთ სცენაზე აღმოჩნდნენ Tom Odell, Kaleo, Imany, Moderat, არა, Circus Mircus, Bedford Falls და მრავალი სხვა. შედეგად, მუსიკის ნამდვილი დღესასწაული მივიღეთ.

პირველ დღეს მსმენელის წინაშე Tom Odell წარსდგა. მიუხედავად იმისა, რომ ის უკვე ნამყოფია ამ ფესტივალზე, მაყურებელი მაინც განსაკუთრებულად ელოდა. მომღერალმა არაერთი ნაცნობი და ახალი სიმღერა გააჟღერა.

"ყველანი ვთანხმდებით, რომ თბილისი ერთ-ერთი ყველაზე ლამაზი ქალაქია მსოფლიოში. ყოველთვის, როცა გენდომებათ ჩვენი დაბრუნება, ჩვენ დავბრუნდებით", — დაპირდა ის მსმენელს.

მეორე დღეს სტუმრების განწყობაზე Rejjie Snow-მ და Kaleo-მ იზრუნეს. რა თქმა უნდა, ჯგუფმა ყველასთვის საყვარელი Way down we go შეასრულა და მსმენელი სხვა სიმღერებზეც აამღერა.

როგორც იცით, საფესტივალო ტერიტორიაზე მთავარი სცენის გარდა Singer Stage, Eyestage და Zion Garden ფუნქციონირებს. Kaleo-ს გამოსვლის შემდეგ კმაყოფილმა სტუმრებმა სწორედ იქ გადაინაცვლეს, სადაც მათ Ben Klock, Audrey Danza, Dirty Saffi და სხვა შემსრულებლები დახვდათ.

მესამე საფესტივალო დღის სტუმრები განსაკუთრებით გაანებივრეს. ერთ-ერთი მთავარი ჰედლაინერი ფრანგი მომღერალი Imany იყო. მან სპეციალური პროექტი წარადგინა, რომელი თავისუფლების დასაცავად ბრძოლას მიუძღვნა. ალბომი რამდენიმე ცნობილი სიმღერის ქავერს აერთიანებს.

Main Stage არაჩვეულებრივი შოუთი მოდერატმა დახურა. თამამად შეიძლება ითქვას, რომ ეს 3-დღიანი ზეიმის იდეალური კულმინაცია იყო.

წლევანდელი ფესტივალი განსაკუთრებული იყო. ფესტივალის გარემო მსმენელის სიამოვნებასა და მათი მუსიკალური გამოცდილების გამარტივებაზე იყო მორგებული, რასაც მზიანმა ამინდმა კიდევ უფრო შეუწყო ხელი. მსმენელისა და ორგანიზატორების კმაყოფილებიდან გამომდინარე შეიძლება ითქვას, რომ რეგიონში ყველაზე მასშტაბურმა მუსიკალურმა ფესტივალმა წარმატებით ჩაიარა.