ოთხი მცირეწლოვანი ბავშვი, რომელიც ავიაკატასტროფას გადაურჩა, ამაზონის ჯუნგლებში 40 დღის განმავლობაში ცხოვრობდა. მათ მაშველები 1 თვეზე მეტხანს ეძებდნენ, ბოლოს კი ოთხივე უვნებელი იპოვეს.

გავრცელებული ინფორმაციით, ბავშვების დედა ავიაკატასტროფას ემსხვერპლა. ჯუნგლებში მაშველებთან ერთად ექიმებიც იმყოფებოდნენ და მათი თქმით, ბავშვები სუსტად არიან, თუმცა მათ სიცოცხლეს საფრთხე აღარ ემუქრება.

გადარჩენილთაგან ყველაზე უფროსი 13 წლისაა, პატარა კი — 11 თვის. მაშველების თქმით, ამაზონის ჯუნგლებში ბავშვებს პირველ მაისს მომხდარი ავიაკატასტროფის შემდეგ უშედეგოდ ეძებდნენ.

ფოტო: NBC

"ბოლოს ისინი ძალიან სუსტად იყვნენ და მათი პოვნა უმცროსი ბავშვის ტირილის ხმის გაგებით შევძელით. ბავშვები ძალიან დაღლილები იყვნენ და ისე აღარ შეეძლოთ მოძრაობა, როგორც დაკარგვიდან 1-2 კვირის განმავლობაში", — განაცხადა ერთ-ერთმა მაშველმა.

კოლუმბიის პრეზიდენტის, გუსტავო პეტრო თქმით, ბავშვებმა ყველა დაარწმუნეს, რომ ჯუნგლებში გადარჩენა შესაძლებელია, რაც ისტორიას სამუდამოდ დაამახსოვრდება. ადგილობრივ მედიაში კი გადარჩენილ ბავშვებს "ჯუნგლების შვილები" უწოდეს.