ახალი ამბები On.ge

ერთიანი ნაციონალური მოძრაობა

20 May. 2023, 15:29

ჩვენ გვსურს ისეთი განვითარებული, გაერთიანებული, ქრისტიანულ ფასეულობებზე დაფუძნებული სახელმწიფოს ჩამოყალიბება, რომელიც ევროპული ოჯახის სრულფასოვანი წევრი იქნება, რაც ჩვენი ქვეყნის უსაფრთხოებისა და მშვიდობის, ადამიანის ღირსებისა და სოციალური უფლებების დაცვას გულისხმობს. ყოველივე ზემოხსენებულს ძირს უთხრის რუსეთი და მისი იმპერიალისტური ზრახვები! ამ მიზნების განხორციელების საქმეში, ერთ-ერთი გამორჩეული ნამდვილად, აგერ უკვე 2 ათწლეულის განმავლობაში, რუსეთის საგარეო მინისტრი სერგეი ლავროვია.

ლავროვი უკანასკნელი 20 წლის განმავლობაში, დაკავებულია მეზობელ ქვეყნებზე თავდასხმის შემზადებით, მათი სუვერენიტეტის შელახვით და დამოუკიდებელი ქვეყნების, მათ შორის, საქართველოსა და უკრაინის ტერიტორიების ოკუპაციისა და ანექსიის პოლიტიკის გატარებით. სერგეი ლავროვის ოჯახის წევრების საქართველოს ტერიტორიაზე მიღება, როგორც მორალური, ისე სამართლებრივი აბსურდი და ქვეყნის ღალატია, რადგან ეს ადამიანები არათუ არ აღიარებენ საქართველოს ტერიტორიულ მთლიანობას, არამედ საქართველოს, უკრაინის და სხვა ქვეყნების სუვერენიტეტის შელახვა და ოკუპაცია მათი "მუშაობის" შედეგია.

ქართველი ხალხი აპროტესტებს საკუთარი ქვეყნის შეურაცხყოფას და საკუთარი იდენტობის, ისტორიის და მომავლის გაქრობის მცდელობას.

ყვარელში პროტესტის გამოხატვის დროს დააკავეს: ერთიანი ნაციონალური მოძრაობის ერთ-ერთი ლიდერი და სამდივნოს წევრი, დიმიტრი ჩიქოვანი;

საგარეჯოს საკრებულოს წევრი ერთიანი ნაციონალური მოძრაობიდან, დავით დიღმელაშვილი;

გურჯაანის საკრებულოს წევრი ერთიანი ნაციონალური მოძრაობიდან, რამაზ ქერეჭაშვილი;

ყვარლის საკრებულოს წევრი ერთიანი ნაციონალური მოძრაობიდან, ნიკა ღონიაშვილი;

თბილისის საკრებულოს წევრი ერთიანი ნაციონალური მოძრაობიდან, ირაკლი ეძგვერაძე;

ერთიანი ნაციონალური მოძრაობის ახალგაზრდული ორგანიზაციის ლიდერი ტიტე გედენიძე;

ერთიანი ნაციონალური მოძრაობის წევრები: გიორგი და ალიკა მირაქოვები, ბექა პაპაშვილი, ლაშა ხუსკივაძე და ნიკა ნარსია.

დაკავებულები არიან ჩვენი პარტიის სხვა წევრები და სამოქალაქო აქტივისტები.

მოვუწოდებთ ხელისუფლებას, დაუყოვნებლივ გაათავისუფლონ საქართველოს დამცველები და დაუყოვნებლივ დაადეპორტონ საქართველოს ოკუპაციის პოლიტიკის შემქმნელები და განმხორციელებლები. ნუ ცდით ქართველი ხალხის მოთმინებას, ისწავლეთ რაიმე 7-10 მარტის მოვლენებიდან!

აცხადებს ერთიანი ნაციონალური მოძრაობა. 19 მაისს მთავარმა არხმა გაავრცელა ინფორმაცია, რომ რუსეთის საგარეო საქმეთა მინისტრის, სერგეი ლავროვის სანქცირებული შვილი, ეკატერინა ლავროვა და მისი ოჯახის წევრები საქართველოში ჩამოვიდნენ. ლავროვის სიძის, ალექსანდრ ვინოკუროვის ძმა, მიკა ვინო, იგივე მოშე ვინოკუროვი კახეთში ქორწილს იხდის. ამას მისი ინსტაგრამ პოსტები ადასტურებს. სოციალურ ქსელში გამოქვეყნებულ კადრებში ჩანს, რომ წყვილმა ხელი თბილისში მოაწერა, რის შემდეგაც წვეულება რესტორანში გამართეს. 

0 0

კომენტარები

კვირის ტოპ-5

  1. სუს: ქრთამის აღების ფაქტზე ჯანდაცვის სამინისტროს 21 წარმომადგენელი დააკავეს
  2. რატომ "ვერ ხედავს" ტრამპი საქართველოს კავკასიაში? — ინტერვიუ ბიძინა ლებანიძესთან
  3. თამთა მიქელაძე: მოსკოვის მექანიზმის გამოყენება ნიშნავს, რომ საქართველოს ხელისუფლების კვალიფიკაცია მძიმე ავტორიტარული ქვეყნების რიგშია
  4. ირაკლი კუპრაძე: დარწმუნებული ვარ, ივანიშვილის ხელისუფლება ეცდება, ხელი შეუშალოს ეუთოს კომისიის მუშაობას და ეცდება, გაამარგინალიზოს და პროპაგანდა ჩართოს
  5. რას ნიშნავს "მოსკოვის მექანიზმი", რომელიც 24-მა ქვეყანამ საქართველოში ადამიანის უფლებების დარღვევების შესასწავლად გაააქტიურა?

გირჩევთ

ახლა კითხულობენ

გადახედვა

8 თებერვალს სამოქალაქო ფორუმი “ახალი საზოგადოებრივი შეთანხმება — საქართველოს გულისთვის” გაიმართება

8 თებერვალი, 15:00 საათზე, "ექსპო ჯორჯიას" მე-11 პავილიონში სამოქალაქო ფორუმი "ახალი საზოგადოებრივი შეთანხმება —…