რატომ არის მნიშვნელოვანი: ორგანიზაციის შეფასებით, გავრცელებული კადრებიდან დასტურდება, რომ აქციის მონაწილეების მხრიდან ადგილი არ ჰქონია ძალადობას.

  • საპატრულო პოლიციის უფროსის თქმით, დემონსტრანტები კვერცხის სროლისა და სიტყვიერი შეურაცხყოფის ფაქტებზე დააკავეს.
  • თუმცა, DRI-ის განცხადებით, დაუდგენელია ყველა დაკავებული პირი არის თუ არა სამართალდარღვევის ჩამდენი.

დეტალები: დემოკრატიის კვლევის ინსტიტუტი, მოუწოდებს ხელისუფლებას, მშვიდობიანი სამოქალაქო პროტესტის წინააღმდეგ არ გამოიყენოს რეპრესიული საპოლიციო ღონისძიებები.

  • "იქიდან გამომდინარე, რომ სამართალდამცავები დიდი რაოდენობით იყვნენ მობილიზებული, სრულად აკონტროლებდნენ აქციის მიმდინარეობის პროცესს და ჰქონდათ სიტუაციის მართვის ყველა შესაძლებლობა, პოლიციას უნდა ემოქმედა შეკრებისა და გამოხატვის თავისუფლებაში ნაკლები ჩარევით და არ უნდა დაეკავებინა აქციის მონაწილეები", — ვკითხულობთ განცხადებაში.