რატომ არის მნიშვნელოვანი: რეზოლუცია, რომელიც PACE-მა მიიღო უკრაინელი ბავშვების რუსეთში დეპორტაციას გენოციდად აღიარებს.

  • დოკუმენტში ნათქვამია, რომ უნდა შეიქმნას პირობები უკრაინაში მათი უსაფრთხოდ დაბრუნებისთვის, უნდა შეწყდეს დანაშაულები და დაისაჯონ დამნაშავეები.
  • ევროპის საბჭოს საპარლამენტო ასამბლეამ სისხლის სამართლის საერთაშორისო სასამართლოს მოუწოდა, ამ დანაშაულისთვის პასუხისგებაში მიცემის შესაძლებლობა განიხილოს.

დეტალები: ქართულ ოცნებაში ამბობენ, რომ მათი პარტიის წევრების ვიზიტი გუშინ წინ დასრულდა, ბილეთები ნაყიდი ჰქონდათ, ამიტომ კენჭისყრას ვერ დაესწრნენ.

  • გივი მიქანაძის თქით, "სრული სპეკულაციაა", რომ ისინი რამე რეზოლუციას არ უერთდებიან.
  • "ჩვენ აქედან როდესაც მივდიდოდი, რამდენიმე კვირით ადრე ბილეთები ნაყიდი იყო, იმიტომ, რომ გაწერილი გვქონდა კონკრეტული დღის წესრიგი".
  • მმართველი პარტიის კიდევ ერთი წევრი, ბექა დავითუილიანი ამბობს, რომ "შეიძლება რეოზლუციაში ეწერა სხვა რამ, რასაც მხარს არ უჭერენ" და მაგალითად სხვა დოკუმენტი მოჰყავს.
  • მისი მტკიცებით, ერთ-ერთ რეზოლუციაში ეწერა, რომ ერთი მხრივ, მხარი უნდა დავუჭიროთ უკრაინას, ხოლო მეორე მხრივ, სააკაშვილი უნდა გათავისუფლდეს.
  • "ჩვენმა დელეგაციამ თქვა, რომ ეს ამოიღეთ და იმას დავუჭერთ მხარსო. არ ამოიღეს, ვერ დავუჭირეთ".
  • რაც შეეხება გუშინდელ რეზოლუციას აცხადებს, რომ ამ საკითხზე კოლეგებთან არ უსაბრია და შესაბამისად, არ იცის, რა არის ამის მიზეზი.

ოპოზიციის გამოხმაურება: როგორც სტრატეგია აღმაშენებლის წევრი, პაატა მანჯგალაძე ამბობს, ქართული ოცნება რუსეთის საწინააღმდეგო რეზოლუციებში მონაწილეობას ერიდება, არა იმიტომ, რომ ის არ გააღიზიანოს, არამედ იმიტომ, რომ ფსონი რუსეთის გამარჯვებაზე აქვს დადებული.

  • "რუსეთი მიაჩნიათ პარტნიორად ხელისუფლების შენარჩუნების საქმეში", — აღნიშნავს ის.
  • პარტია მოქალაქეების ლიდერის, ალეკო ელისაშვილის განცხადებით, ქართული ოცნება ომის დაწყების შემდეგ უკრაინის ხელისუფლების ლანძღვითაა დაკავებული და ძალიან გაუკვირდებოდა, რომ რეზოლუციისთვის მხარი დაეჭირათ.