ირანის საგარეო საქმეთა წარმომადგენლებმა უკრაინის პრეზიდენტის განცხადებები დაგმო.

რატომ არის მნიშვნელოვანი: რუსეთს უკრაინის წინააღმდეგ ბრძოლაში არც თუ ისე ბევრი მოკავშირე ჰყავს, მათ შორის, ყველაზე აქტიურად — ირანის და ბელარუსის როლი განიხილება.

  • რუსეთმა უკრაინის მშვიდობიან მოსახლეობასა და სამოქალაქო ინფრასტრუქტურაზე თავდასხმისთვის ირანული წარმოების ასობით დრონი გამოიყენა.
  • აქამდე ირანი ამ ბრალდებებს უარყოფდა, თუმცა 5 ნოემბერს პირველად აღიარა, რომ რუსეთს "მცირე რაოდენობით" დრონები მიაწოდეს, თუმცა ომის დაწყებამდე.
  • ირანი უარყოფს, რომ რომ თეირანი მოსკოვისთვის უპილოტო საფრენი აპარატის მიწოდებას განაგრძობს.

დეტალები: ირანის საგარეო საქმეთა სამინისტრო ზელენსკის კონგრესში გამოსვლას გამოეხმაურა.

  • სამინისტროს სპიკერმა აღნიშნა, რომ ირანი ყოველთვის პატივს სცემს ყველა ქვეყნის ტერიტორიულ მთლიანობას, და იქვე მუქარაც გააჟღერა.
  • "ბატონმა ზელენსკიმ კარგად უნდა იცოდეს, რომ ირანის სტრატეგიული მოთმინება ასეთ უსაფუძვლო ბრალდებებთან დაკავშირებით გაუთავებელი არ არის".