"პოლიცია, შენთვის ბევრი მომიფსია, საქართველოს ბიუჯეტზე ზრუნვაში", - ასე იწყება კლიპი, რომელიც თეთრი ხმაურის მოძრაობამ მოამზადა სახელმწიფოს მკაცრი ნარკოპოლიტიკის გასაპროტესტებლად. კლიპი პოლიციის ჰიმნის შარჟს წარმოადგენს.

თეთრი ხმაურის მოძრაობის წევრი, ბექა წიქარიშვილის თქმით, მათ აღნიშნული სიმღერით "სიმართლის თქმა" გადაწყვიტეს:

"ვიდეოს გაკეთების მთავარი იდეა იყო გვეთქვა სიმართლე, თუ რა არის დღეს პოლიციის მთავარი მოტივაცია და რისთვის მუშაობენ. პოლიცია დღეს არ დგას საზოგადოების სამსახურში, ის უდანაშაულო ხალხისა და ჯანმრთელობის პრობლემის მქონე ადამიანების დევნით არის დაკავებული. ქვეყნის მთავარ საფრთხეს ადამიანების შარდში ეძებს და ყურადღებას არ აქცევს რეალური ძალადობის ფაქტებს, რომელთა უმეტესობა გამოუძიებელი რჩება. ნარკოპოლიტიკა და ნარკოტესტირება არის ჩაგვრის ბერკეტი პოლიციის ხელში, მარტივი წყარო ბიუჯეტისთვის და სტატისტიკით მანიპულაციისთვის, თითქოს პოლიცია კარგად მუშაობს".

თეთრი ხმაურის მოძრაობამ დღეს, 2 ივნისს, შინაგან საქმეთა სამინისტროს მიმდებარე ტერიტორიაზე, სადაც შსს პოლიციის დღეს მასშტაბრუად აღნიშნავს, საპროტესტო აქციაც გამართა ლოზუნგით "შეწყდეს ძალადობრივი ნარკოპოლიტიკა".

დღეს, მთავრობის კანცელარიასთან მსგავსი მოთხოვნით კიდევ ერთი აქცცია იმართება, რომლის ორგანიზატორიც 2 ივნისის მოძრაობაა. აღნიშნული აქციის მთავარი გზავნილია #არდაიჭირო.