მათი ჩასვლის ამსახველი კადრები რუსულ პროპაგანდისტულ მედიებზე გავრცელდა, ფაქტი კი უკრიანულმა უწყებამ, ენერგოატომმა დაადასტურა.

რატომ არის მნიშვნელოვანი: ზაპოროჟიეს ატომური ელექტროსადგური, ევროპაში ერთ-ერთი ყველაზე დიდია და მას მარტის დასაწყისიდან ოკუპანტები აკონტროლებენ — ობიექტი არაერთხელ დაიბომბა, რაც ბირთვული კატასტროფის საფრთხეს ქმნის.

  • 29 აგვისტოს ატომური ენერგიის საერთაშორისო სააგენტოს ექსპერტები ელექტროსადგურის შესამოწმებლად წავიდნენ.
  • დღეს, პირველ სექტემბერს, როცა ისინი ელექტროსადგრუზე მიდიოდნენ, გავრცელდა ინფორმაცია, რომ რუსებმა ცეცხლი გაუხსნეს მარშრუტს, რომელიც ამ მისიისთვის იყო შეთანხმებული და დაბომბეს ტერიტორიაც.
  • ამის მიუხედავად, ექსპერტები ელექტროსადგურზე მაინც გაემგზავრნენ.
  • პარალელურად, რუსეთი ამტკიცებდა, რომ IAEA-ს წარმომადგენლები უკრაინულმა მხარემ შეაფერხა.

დეტალები: ამ ეტაპზე არ ვრცელდება ინფორმაცია, როგორ მიაღწიეს მხარეებმა ხელახალ შეთანხმებას მიიის ელექტროსადგურში შესაყვანად.

  • ცნობილია, რომ ექსპერტების გუნდი 14 წევრისგან შედგება და მათ IAEA-ს გენერალური დირექტორი, რაფაელ მარიანო ხელმძღვანელობს.
  • უკრაინის საგარეოს განცხადებით, გუნდი ფოკუსირებული იქნება 3 მიზანზე: ფიზიკური დაცვა, ბირთვული უსაფრთხოება და ბირთვული მასალების გაუვრცელებლობის გარანტიები.

არქივიდან: ზაპოროჟიეს ელექტროსადგურზე ექსპერტების გაგზავნის სურვილი უკრაინულმა მხარემ გამოთქვა.

  • 19 აგვისტოს საფრანგეთის პრეზიდენტის ოფისმა განაცხადა, რომ პუტინი ზაპოროჟიეს ატომურ ელექტროსადგურზე ექსპერტთა მისიის გაგზავნას დათანხმდა.
  • 22 აგვისტოს ოკუპანტებმა ზაპოროჟიეს ატომურ ელექტროსადგურს ცეცხლი გაუხსნეს.
  • 25 აგვისტოს ისტორიაში პირველად, ზაპოროჟიეს ატომური ელექტროსადგური ქსელიდან მთლიანად გაითიშა.
  • აშშ-მ და ათობით სხვა ქვეყანამ ერთობლივი განცხადება გამოაქვეყნეს, სადაც ატომურ ელექტროსადგურზე თავდასხმის საფრთხეებზეა საუბარი და რუსეთს მოუწოდეს, დაუყოვნებლივ დატოვონ ტერიტორია.