მედია ინფორმაციას ბაიდენის ადმინისტრაციის წარმომადგენელზე დაყრდნობით ავრცელებს.

რატომ არის მნიშვნელოვანი: 29 აგვისტოს სამხრეთის მიმართულებით უკრაინა შეტევაზე გადავიდა და ხერსონის რეგიონში შეიარაღებულმა ძალებმა რუსების თავდაცვის პირველი ხაზი გაარღვიეს.

  • ხერსონი რუსეთისთვის მნიშვნელოვანი რეგიონია, რადგან სწორედ ამ ტერიტორიის დახმარებით ოკუპირებული ყირიმიდან საბრძოლო იარაღისა და პერსონალის მიწოდებას ახდენს;
  • რუსეთი ომის დაწყებიდან აქტიურად უტევდა ხერსონის რეგიონს. მტრის ჯარები ქალაქში პირველ მარტს შეიჭრნენ, თუმცა საკრებულოს დაკავება 25 აპრილამდე ვერ შეძლეს;
  • ხერსონის მოსახლეობა მასობრივ აქციებს აწყობდა და ოკუპაციას აპროტესტებდა. ხელისუფლების ინფორმაციით, რეგიონში ახლა მოსახლეობის 40-50%-ია დარჩენილი.

დეტალები: მედია წერს, რომ ბოლო ორი თვის განმავლობაში ბაიდენის ადმინისტრაცია უკრაინას კონტრშეტევისთვის კონკრეტულად მოთხოვნილი იარაღები მიწოდებით ეხმარებოდა.

  • მათი განცხადებით, უკრაინა აშშ-ის სთხოვდა, რომ ის იარაღები გაეგზავნა, რომელიც სამხრეთით დაგეგმილი კონტრშეტევისთვის იქნებოდა შესაბამისი;
  • აშშ-მა მოთხოვნების ნაწილი დააკმაყოფილა — უკრაინას დამატებითი საბრძოლო მასალა, არტილერია და ჯაველინები გაუგზავნა;
  • ოფიციალური პირის თქმით, დახმარების ამ პაკეტის შესახებ საჯაროდ იყო ცნობილი, თუმცა უცნობი იყო, რომ ის ნაწილობრივ მიმდინარე კონტრშეტევისთვის საჭირო იარაღს შეიცავდა.