ინფორმაციას Washigton Post ამერიკელ და უკრაინელ თანამდებობის პირებზე დაყრდნობით ავრცელებს.

რატომ არის მნიშვნელოვანი: ამერიკელი მაღალჩინოსნების თქმით, როდესაც რუსული მხარე ამბობდა, რომ იმაზე მეტი HIMARS–ები გაანადგურეს, ვიდრე აშშ-მა უკრაინას მიაწოდა, შესაძლოა, სწორედ ეს ხის სატყუარები იგულისხმებოდა.

  • სამხედრო ანალიტიკოსების განცხადებით, ფრონტის ხაზთან ახლოს HIMARS-ის ანალოგების არსებობამ შესაძლოა, აიძულოს რუსეთს, მიიღოს უსაფრთხოების ზომები, გადაიტანოს საბრძოლო მარაგი და სამეთაურო პუნქტები უფრო მოშორებით.
  • მათივე თქმით, გაჭიანურებულ საარტილერიო ომში რუსეთის რაკეტებისა და უფრო დიდი არსენალის დეგრადაციისა და ამოწურვის გზების პოვნა უმნიშვნელოვანესია უკრაინის შედარებით მცირე არმიისთვის.

დეტალები: გამოცემა წერს, რომ სატყუარა დამზადებულია ხისგან და ვიზუალურად ძალიან ჰგავს ნამდვილ HIMARS-ს, რუსული დრონები კი მათ გარჩევას ვერ ახერხებენ და კოორდინატებს შავ ზღვაში განლაგებულ რუსეთის ფრთოსან სარაკეტო კომპლექსებს გადასცემენ.

  • ამ ტაქტიკის გამოყენებიდან რამდენიმე კვირის განმავლობაში რუსებმა მინიმუმ ათი ფრთოსანი რაკეტა Kalibr უშედეგოდ დახარჯეს.
  • ამან უკრაინას გადააწყვეტინა, რომ გააფართოონ ასეთი სატყუარების წარმოება.