უკრაინის პრეზიდენტმა პოლიტიკოსები, ჟურნალისტები, ბიზნესმენები, მუსიკოსები და სხვა პროფესიის წარმომადგენლები დააჯილდოვა.

რატომ არის მნიშვნელოვანი: ზელენსკიმ ჯილდოები სახელმწიფოთაშორისი თანამშრომლობის განმტკიცებაში მნიშვნელოვანი პირადი დამსახურებისთვის, უკრაინის სუვერენიტეტისა და ტერიტორიული მთლიანობის მხარდაჭერისა და მსოფლიოში უკრაინის პოპულარიზაციაში მნიშვნელოვანი წვლილისთვის გასცა.

დემნა გვასალია ქვეყნის წინაშე დამსახურებისთვის მესამე ხარისხის ორდენით დაჯილდოვდა.

  • ამავე ორდენის ჯილდო გადაეცათ მუსიკალურ ჯგუფ Imagine Dragons-ის წევრებსაც.
  • ასევე, დაჯილდოვდნენ შონ პენი, ბენ სტილერი, ლივ შრაიბერი.

ლანა ღვინჯილია პრინცესა ოლგას III ხარისხის ორდენით დაჯილდოვდა.

  • ის არასამთავრობო ორგანიზაცია Populus Rei-ს დამფუძნებელი და ხელმძღვანელი, ასევე, ანტისაოკუპაციო მოძრაობის ძალა ერთობაშიას გამგეობის წევრია.

ენტონი ბლინკენი პრინც იაროსლავ ბრძენის II ხარისხის ორდენით დაჯილდოვდა.

  • ეს ჯილდო გადაეცათ აშშ-ის შეიარაღებული ძალების გაერთიანებული შტაბის უფროსს, თავდაცვის მდივანსა და პრეზიდენტის თანაშემწეს ეროვნული უსაფრთხოების საკითხებში.

ურსულა ფონ დერ ლაიენი უფლისწული იაროსლავ ბრძენის I ხარისხის ორდენით დაჯილდოვდა.

  • მასთან ერთად ეს ორდენი იტალიის ექსპრემიერმა, მარიო დრაგმაც მიიღო.

ჰალუკ ბაირაქტარი ქვეყნის წინაშე დამსახურებისთვის პირველი ხარისხის ორდენით დაჯილდოვდა.

  • ბაირაქტარი ცნობილი თურქული კომპანიის, Baykar-ის დირექტორია, რომელმაც უკრაინას დრონები რამდენჯერმე უფასოდ გადასცა.
  • ეს ჯილდო მიიღეს ჯოზეფ ბორელმა და შარლ მიშელმა.

ევროპარლამენტარებმა ქვეყნის წინაშე დამსახურებისთვის მეორე ხარისხის ორდენი მიიღეს.

  • მათ შორის არიან პეტრას აუსტრევიჩუსი და მაიკლ გალერი.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.