ინფორმაციას სააგენტოს გენერალური დირექტორი, რაფაელ მარიანო გროსი ავრცელებს.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც საფრთხეს კიდევ უფრო ზრდის.

  • უკრაინის პრეზიდენტი ვოლოდიმირ ზელენსკი რუსეთს "ბირთვულ შანტაჟში" ადანაშაულებს ელექტროსადგურში დაძაბულობის გამო.
  • ოფიციალური კიევის თქმით, რუსეთმა კომპლექსში 500-მდე ჯარისკაცი განათავსა, რომლებიც მას ფარად იყენებენ უკრაინის ქალაქებზე თავდასხმების განსახორციელებლად.

დეტალები: როგორც რაფაელ მარიანო გროსი Twitter-ზე წერს, IAEA-ს მხარდაჭერისა და დახმარების მისია უკვე გზაშია.

  • "ჩვენ უნდა დავიცვათ უკრაინისა და ევროპის უდიდესი ბირთვული ობიექტის უსაფრთხოება".
  • მისივე ინფორმაციით, ექსპერტთა ჯგუფი ადგილზე კვირის ბოლოს ჩავა.

არქივიდან: 19 აგვისტოს საფრანგეთის პრეზიდენტმა, ემანუელ მაკრონის ოფისმა განაცხადა, რომ პუტინი ზაპოროჟიეს ატომურ ელექტროსადგურზე ექსპერტთა მისიის გაგზავნას დათანხმდა.

  • ოკუპანტებმა ზაპოროჟიეს ატომურ ელექტროსადგურს ცეცხლი 22 აგვისტოსაც გაუხსნეს — თავდასხმის შედეგად დაიღუპა ერთი ადამიანი, ერთი კი დაშავდა.
  • 25 აგვისტოს კი ისტორიაში პირველად, ზაპოროჟიეს ატომური ელექტროსადგური ქსელიდან მთლიანად გაითიშა.
  • აშშ-მ და ათობით სხვა ქვეყანამ ერთობლივი განცხადება გამოაქვეყნეს, სადაც რუსეთის მიერ ზაპოროჟიეს ატომურ ელექტროსადგურზე თავდასხმის საფრთხეებზეა საუბარი და რუსეთს მოუწოდეს, დაუყოვნებლივ დატოვონ ტერიტორია.