ამის შესახებ უწყება ოფიციალურ განცხადებას ავრცელებს.

რატომ არის მნიშვნელოვანი: რამდენიმე დღეა ბორჯომის მუნიციპალიტეტის სოფელ ქვაბისხევის მიმდებარე ტყეში ძლიერი ხანძარია.

  • როგორც საგანგებო სიტუაციების მართვის სამსახურში ამბობენ, ხანძრის ქრობის სამუშაოებს ართულებს რთული კლიმატური პირობები.

დეტალები: მათი ცნობით, დანარჩენ 10%-ზე ხანძრის ქრობის აქტიური სამუშაოები მიმდინარეობს და სექტორების მონიტორინგი გრძელდება.

  • შსს-ში აღნიშნავენ, რომ ხანძრის ქრობის ღონისძიებებში ასობით მეხანძრე-მაშველთან ერთად, აქტიურად, კოორდინირებულად მონაწილეობენ შინაგან საქმეთა სამინისტროს სხვადასხვა დეპარტამენტის თანამშრომლები;
  • პროცესში ჩართულები არიან თავდაცვის სამინისტროს, რეგიონული განვითარებისა და ინფრასტრუქტურის სამინისტროს, ასევე, გარემოს დაცვისა და სოფლის მეურნეობის სამინისტროს შესაბამისი სამსახურების წარმომადგენლები;
  • უწყების განცხადებითვე, მობილიზებულია ყველა ტიპის ხანძარსაწინააღმდეგო ტექნიკა, სასაზღვრო პოლიციის 4 ვერტმფრენი და თურქეთის რესპუბლიკის 3 სპეციალიზებული სახანძრო თვითმფრინავი.

შსს-ს ცნობით, ბორჯომის ხეობაში პრევენციის მიზნით ადგილზე კვლავ რჩებიან და სამუშაოებს აგრძელებენ, როგორც სახანძრო და სასაზღვრო ავიაცია, ასევე, მეხანძრე-მაშველები და სხვადასხვა სამინისტროს თანამშრომლები.