ტექსტი გაეროში უკრაინის მუდმივმა წარმომადგენელმა, სერჰი კისლიცამ გამოაქვეყნა. ინფორმაცია ასევე განთავსებულია გაეროში საქართველოს წარმომადგენლობის Twitter-ზეც.

რატომ არის მნიშვნელოვანი: ხელმომწერ ქვეყნებს მიაჩნიათ, რომ მოსკოვმა უნდა შეწყვიტოს საერთაშორისო კანონმდებლობით ნაკისრი ვალდებულებების სრული უგულებელყოფა.

  • ამასთანავე, რუსეთმა დაუყოვნებლივ, ყოველგვარი წინაპირობის გარეშე, უნდა გაიყვანოს ჯარები უკრაინის ტერიტორიიდან.

დეტალები: ქვეყნები სრულ მხარდაჭერას უცხადებენ უკრაინის ტერიტორიულ მთლიანობასა და სუვერენიტეტს.

  • დოკუმენტს ხელს აწერენ ევროკავშირის წევრი ქვეყნები, აშშ, დიდი ბრიტანეთი, შვეიცარია, თურქეთი, საქართველო, მოლდოვა, კანადა და ახალი ზელანდია.
  • გაეროში უშიშროების საბჭოს საგანგებო სხდომა გუშინ გაიმართა და უკრაინის ომის დაწყების 6 თვის თავს მიეძღვნა.
  • სხდომაზე ვიდეოზარით ჩაერთო უკრაინის პრეზიდენტიც.
  • ვოლოდიმირ ზელენსკიმ საბჭოს წევრებს მიმართა, რომ თუ რუსეთს უკრაინის გამარჯვება არ შეაჩერებს, ყველა რუსი მკვლელი აუცილებლად სხვა ქვეყნებშიც მოხვდება.