სახელმწიფო უსაფრთხოების სამსახურის განცხადებით, ფრენკ იანეზი ახლა ცენტრალური ხელისუფლების მიერ კონტროლირებად ტერიტორიაზე იმყოფება.

რატომ არის მნიშვნელოვანი: საოკუპაციო რეჟიმი წლებია არღვევს საქართველოს მოქალაქეების უფლებებს, უკანონოდ აკავებს და იტაცებს მათ. იყო არასათანადო მოპყრობისა და ძალადობის ფაქტებიც.

  • გრძელდება მცოცავი ოკუპაცია — სამხედროები ხშირად საკუთარ ეზოებსა და ბაღებში უვლებენ მოქალაქეებს ე.წ. საზღვარს.
  • სუს საქართველოს ოკუპირებულ რეგიონებსა და საოკუპაციო ხაზის გასწვრივ განხორციელებულ დესტრუქციულ ქმედებებზე სრულ პასუხისმგებლობას საოკუპაციო ძალას აკისრებს.

დეტალები: სუს-ის განცხადებით, აშშ-ის მოქალაქის დაუყოვნებლივი გათავისუფლების მოთხოვნით, საქართველოს ცენტრალური ხელისუფლება აქტიურად იყენებდა როგორც ცხელი ხაზის მექანიზმს, ასევე, ცენტრალური ხელისუფლების ხელთ არსებულ სხვა ინსტრუმენტებს.

  • ხოლო ინფორმაცია მუდმივ რეჟიმში მიეწოდებოდა ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს.
  • მათივე თქმით, განაგრძობენ აქტიურ მუშაობას უკანონოდ დაკავებული პირების გასათავისუფლებლად, როგორც ოკუპირებული ცხინვალის, ისე ოკუპირებული აფხაზეთის მიმართულებით.