აშშ მიზეზად დღეს გავრცელებულ ინფორმაციას ასახელებს, რომლის მიხედვითაც, უახლოეს დღეებში რუსეთი ძალისხმევის გაძლიერებასა და სამოქალაქო ინფრასტრუქტურასა და სამთავრობო ობიექტებზე თავდასხმას გეგმავს.

რატომ არის მნიშვნელოვანი: უკრაინაში 23 აგვისტოს ეროვნული დროშის, 24-ში კი დამოუკიდებლობის დღე აღინიშნება.

  • მოსალოდნელი თავდასხმის შესახებ ამერიკელმა მაღალჩინოსანმა დაზვერვაზე დაყრდნობით განაცხადა.
  • უკრაინის თავდაცვის სამინისტროს დაზვერვის მთავარმა სამმართველომ უკვე მოუწოდა ხალხს, გამოიჩინონ განსაკუთრებული ყურადღება თავდასხმებისა და პროვოკაციების საფრთხის გამო.
  • ვოლოდიმირ ზელენსკის განცხადებით, ეს ინფორმაცია აქვს და რუსეთის მხრიდან მსგავსი საფრთხე ყოველდღიურია, თუმცა აღნიშნა, რომ თუ ამ დღეებში თავდასხმა გააძლიერებდა, შესაბამის პასუხს გასცემენ.

დეტალები: აშშ-ის საელჩოს განცხადებაში ნათქვამია, რომ უკრაინაში, უსაფრთხოების მხრივ, ვითარება ძალიან არასტაბილურია და შესაძლოა, მოულოდნელად გაუარესდეს.

  • ისინი მოქალაქეებს მოუწოდებენ ქვეყნის დასატოვებლად კერძო სახმელეთო ტრანსპორტი იმ შემთხვევაში გამოიყენონ, თუ ის უსაფრთხოა.