პრეზიდენტის ოფისის უფროსის მრჩეველი, მიხაილო პოდოლიაკი ოკუპანტების მიერ გაჟღერებულ ბოლო ბრალდებას ეხმაურება.

რატომ არის მნიშვნელოვანი: რუსეთში ვლადიმერ პუტინის იდეოლოგის, ალექსანდრ დუგინის შვილი მანქანის აფეთქების შედეგად დაიღუპა.

  • უკრაინული მედიების ცნობით, ოკუპანტებმა მომხდარში უკრაინა დაადანაშაულეს.

  • "ახლა პროპაგანდისტები აქტიურად ავრცელებენ ჰიპოთეზას, რომ მანქანა უკრაინელმა "ნაციონალისტებმა" ააფეთქეს", — წერს Unian.

დეტალები: პოდოლიაკი აცხადებს, რომ უკრაინას გუშინდელ აფეთქებასთან კავშირი არ ჰქონია, რადგან რუსეთისგან განსხვავებით კრიმინალურ სახელმწიფოს არ წარმოადგენენ.

  • "მეტიც, ჩვენ არ ვართ ტერორისტული სახელმწიფო".

ალექსანდრ დუგინი ვლადიმერ პუტინის იდეოლოგია და დიდი რუსეთის იმპერიის აღდგენას ისახავას მიზნად.

  • ის საქართველოზე ხშირად საუბრობს, ანტიდასავლური განწყობების გაძლიერებას ცდილობს, კრემლისტურ ნარატივებს და საბჭოთა ნოსტალგიებს აღვივებს;
  • დუგინი სხვადასხვა დროს, რუსეთის მიერვე ოკუპირებული ტერიტორიებზე არსებულ სიტუაციაში, საქართველოს ადანაშაულებდა;
  • დარია დუგინაც მამის იდეოლოგიას იზიარებდა და უკრაინაში რუსეთის შეჭრის გამართლებას ცდილობდა.

CNN წერს, რომ დარია დუგინას 2022 წელს აშშ-ის სახაზინო დეპარტამენტის საგარეო აქტივების კონტროლის ოფისმა სანქციები დაუწესა.

  • სანქცია მას United World International-ის ვებსაიტზე გამოქვეყნებული სტატიის გამო შეეხო, სადაც წერია, რომ NATO-ში გაწევრიანების შემთხვევაში უკრაინა "დაიღუპება".