უკრაინის პრეზიდენტმა, პიოტრ პოროშენკომ უკრაინის ინტერნეტ-პროვაიდერებს რუსული სოციალური ქსელების Vkontakte (ვკონტაკტე) და Ok.ru (ოდნოკლასნიკი), ასევე, Yandex (იანდექს) და Mail.ru (მეილ.რუ) საიტების დაბლოკვა დაავალა.

რუსული ტელეკომპანია დოჟდის ცნობით, შეზღუდვა რუსეთის მიმართ უკვე არსებული სანქციების გაფართოებას ემსახურება.

უკრაინა ქვეყნის ტოპ-10 საიტიდან ოთხის დაბლოკვას აპირებს

უკრაინა ქვეყნის ტოპ-10 საიტიდან ოთხის დაბლოკვას აპირებს

ფოტო: On.ge

SimilarWeb-ის სერვისის თანახმად, Vkontakte-ს მომხმარებლების 17,55% უკრაინაზე მოდის. Ok.ru-ს - 15,15 პროცენტი, ხოლო Mail.ru-ს 10,53 პროცენტი. ბოლო ექვსი თვის განმავლობაში იანდექსის უკრაინულ სერვისს 215 მილიონი მომხმარებელი ჰყავდა და სიდიდით ქვეყანაში მეხუთე საიტია.

სანქციების სიაში სულ 468 ორგანიზაცია და 1 228 ფიზიკური პირი მოხვდა . ბრძანება ძალაში 15 მაისს შევიდა.