ახალი ამბები On.ge

თეა წულუკიანი

23 Jul. 2022, 23:39

ჩვენ ის ხელისუფლება ვართ, რომელიც რუსეთს ელოლიავება და ეფერება კი არა, ერთი მეორის მიყოლებით დავები ვაწარმოეთ მის წინააღმდეგ, ეს დავები მოვიგეთ და ძალიან სერიოზული აგრესია იყო მათი მხრიდან სასამართლო დარბაზში და მერეც. აქედან გამომდინარე, არ ვიცი, სად ხედავს ის ლოლიაობას. მე არ მახსენდება მისგან შემოთავაზებული არცერთი დახმარება, როდესაც მე, როგორც იუსტიციის მინისტრი და მხარე, სახელმწიფოს წარმომადგენელი სტრასბურგში ვიცავდი ქართველი ჯარის, პროკურორის, მილიციის, პოლიციის, ყველაფრის ინტერესს, არ მახსენდება ხელის შეშლის მეტი არაფერი მახსენდება, არ მითქვამს ეს არასოდეს.

მახსენდება ერთი კონკრეტული, მწარე შემთხვევა, როდესაც სტრასბურგში ჩემი იურისტები მყავდა გაგზავნილი, უწყებათაშორისი შტაბი გვქონდა შექმნილი აგვისტოს ომის საქმეზე. თავდაცვა იყო, ვინც გვეთანამშრომლებოდა ბოლომდე, გენერალური შტაბი, შსს, სუს და პროკურატურა, ამ ყველაფრის მთავარი ლიდერი, გამოძიების და იუსტიციის სამინისტრო დავის მწარმოებელი და შსს თავისთავად. აი, ეს მთელი ბლოკი ვისხედით და ვმუშაობდით. შემდეგ მე იუსტიციელებს, თანამშრომლებს ვაგზავნიდი, რომ დავა დაეცვათ. მეორე მხარეს დახვდებოდათ რუსი თანამშრომლები, რომლებიც ამტკიცებდნენ, რომ თქვენ მოიგონეთ, თავს დაგვესხით, ისკანდერი გორში არ ჩამოგვიგდია, ეს ფოტოშოპია და ა.შ.

და გამოდის ქალბატონი სალომე, ამ დროს არის უკვე პრეზიდენტობის კანდიდატი, კამპანია მიყავს და ამბობს, რომ ჩვენ დავიწყეთ ომიო. ეს ჩემთვის სერიზოული ხელის შეშლა იყო. მე ეს მისთვის არასოდეს მისაყვედურია და რაკი იმაზე მიდგა საქმე, ვის რა სურს და ვინ ვის ელოლიავება, აი, ეს არის ჩემი სერიოზული პრეტენზია.

ახლა ასე, კრიტიკულად ლაპარაკობს წულუკიანი იმ პერიოდზე, როცა ზურაბიშვილი მისივე გუნდის მხარდაჭერილი კანდიდატი იყო. თუმცა მაშინ, ამ განცხადებების შემდეგ ქართული ოცნების ლიდერები ესარჩლებოდნენ ზურაბიშვილს და მის წინასაარჩევნო პლაკატებზეც კი პოზირებდნენ. 

0 0

კომენტარები

კვირის ტოპ-5

  1. 2027 წლიდან ხელფასები საჯარო სექტორში 8.4%-ით მოიმატებს
  2. 1500-2500 ლარის შემოსავლის მქონე პირებისთვის კრედიტის ლიმიტი ნახევრდება — სებ-ის განმარტება
  3. მოსკოვში ბიზნესმენ მამუკა წერეთლის ყოფილი მეუღლის დანაწევრებული ცხედარი იპოვეს, 19 წლის შვილის გვამი კი — ეჭვმიტანილის ავტოფარეხში
  4. კახა კახიშვილი: პენსია 6 ან 7 დღის საბაზისო ხარჯებს უფარავს, დანარჩენი 23 დღე როგორ უნდა იცხოვროს პენსიონერმა?
  5. ვალერი გელაშვილი საგადასახადო ჯარიმის გამო ბიზნესს ყიდის და ვენესუელაში გადადის საცხოვრებლად

გირჩევთ

ახლა კითხულობენ

სექტემბერში, თიბისის ბიზნესგანათლების პროგრამა 700-მდე მეწარმემ გაიარა

თიბისი ბიზნესის მხარდაჭერით, სექტემბრის თვეში, ხუთი განსხვავებული თემატიკის შეხვედრა გაიმართა და მას 700-მდე ბიზნესის…