რუსეთს 100 მილიონის პროცენტის საშეღავათო პერიოდი 26 ივნისს ამოეწურა და უცხოელ კრედიტორებთან ვალის გადაუხდელობის გამო, ქვეყანამ დეფოლტი განიცადა.

რატომ არის მნიშვნელოვანი: უკვე 100 დღეზე მეტი გავიდა, რაც რუსეთი უკრაინაში შეიჭრა. ცივილიზებულმა სამყარომ აგრესორი ქვეყანა სანქციების ალყაში მოაქცია.

  • რუსეთის დეფოლტის ზღვარზე მიყვანა სწორედ ამ სანქციების შედეგია.

რას ამბობენ ექსპერტები: ტოკიოს ნომურას კვლევითი ინსტიტუტის ეკონომისტმა, ტაკაჰიდე კიუჩიმ თქვა, რომ დეფოლტის გამოცხადება სიმბოლური მოვლენაა.

  • მისივე თქმით, რუსეთის მთავრობამ უკვე დაკარგა დოლარში დენომინირებული სესხის გაცემის შესაძლებლობა.
  • კიუჩი ამბობს, რომ რუსეთის მთავრობას უცხო ქვეყნებისგან სესხის აღება არ შეუძლია.

რას ამბობენ რუსეთში: მიმდინარე კვირის დასაწყისში რუსეთმა გადარიცხვები რუბლებში განახორციელა, იმის მიუხედავად, რომ ობლიგაციები გადახდის ამგვარ საშუალებას არ იძლევა.

  • ფინანსთა მინისტრი, ანტონ სილუანოვი ამბობდა, რომ რუსეთის ფედერაციისთვის სუვერენული ვალის გადახდის აკრძალვის მიზანია, ქვეყანას "დეფოლტის იარლიყი" მიაკრან.

კრემლის სპიკერი დეფოლტს უარყოფს და ამბობს, რომ ეს "ბრალდებები გაუმართლებელია". მის კომენტარს რუსული პროპაგანდისტული მედია, TASS ავრცელებს.

  • დმიტრი პესკოვის თქმით, აუცილებელი გადახდა უცხოურ ვალუტაში "ჯერ კიდევ მაისში განხორციელდა".