დეკანოზ გიორგი მამალაძის ადვოკატი, მიხეილ რამიშვილი ამბობს, სასამართლო პროცესის მიმდინარეობისას მხარეებს ბევრ კითხვებზე პასუხის გაცემა მოუწევთ, სასამართლოს კი სერიოზულ საკითხებზე მსჯელობა. რამიშვილი აბსურდულს უწოდებს პროკურატურის მიერ დეკანოზის მიმართ წაყენებულ ბრალდებებს.

დეკანოზის კიდევ ერთი უფლებადამცველი, გიორგი ფანცულაია კი, ამბობს, რომ საქმეში არ არის მოწმე, რომელიც დაადასტურებს დეკანოზის მიერ ციანიდის შეძენის ფაქტს.

საქართველოს მთავარმა პროკურატურამ დღეს, 27 აპრილს განცხადება გაავრცელა, რომ ე.წ. ციანიდის საქმეზე გამოძიება დაასრულა.

გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად.