თიბისი დაზღვევა, კლინიკა "რეიმანთან" ერთად, აგრძელებს უკრაინელების მხარდაჭერას. უკრაინის იმ მოქალაქეებს, რომლებიც კვლავ ვერ ახერხებენ საქართველოდან უკრაინაში დაბრუნებას, უფასოდ შეუძლიათ მიიღონ ჯანმრთელობის დაზღვევა.

პოლისის გაფორმება შესაძლებელია დისტანციურად — ონლაინ. უკრაინის მოქალაქის ჯანმრთელობის დასაზღვევად, საჭიროა მხოლოდ ბმულზე გადასვლა და საინფორმაციო ველების შევსება: www.products.tbcinsurance.ge/forukrainians

სადაზღვევო პოლისი, ყოველგვარი ფრანშიზის გარეშე, მოიცავს ყველა იმ დაფარვას, რომელსაც თიბისი დაზღვევა საქართველოში მყოფ საერთაშორისო ტურისტებს სთავაზობს + სრული ამბოლატორიული მომსახურება კლინიკა "რეიმანისგან":

  • სასწრაფო დახმარება;
  • გადაუდებელი და გეგმიური ამბულატორია (მხოლოდ კლინიკა "რეიმანში");
  • გადაუდებელი ჰოსპიტალური მომსახურება;
  • გადაუდებელი სტომატოლოგია;
  • COVID-19-თან დაკავშირებული მომსახურება.

"უკრაინაში არსებული მდგომარეობის ფონზე, გადავწყვიტეთ, მხარდაჭერა გამოვუცხადოთ მათ და ჩვენი რესურსები მოვახმაროთ საქართველოში მყოფ უკრაინის მოქალაქეებს. ისინი უფასოდ მიიღებენ ჯანმრთელობის დაზღვევას, რაც გულისხმობს, საჭიროების შემთხვევაში, სამედიცინო მომსახურების ხარჯების დაფარვას", — თიბისი დაზღვევა.