სასამართლომ წალენჯიხის საკრებულოს დეპუტატს გახარიას პარტიიდან, გელა აბულაძეს აღმკვეთი ღონისძიების სახით პატიმრობა შეუფარდა. On.ge-ს ინფორმაცია პარტიაში დაუდასტურეს.

როგორც პარტიის პრესსამსახურში გვითხრეს, პატიმრობა შეეფარდა კიდევ ერთ პირს, სხვა ბრალდებულებს კი აღკვეთის ღონისძიების სახით გირაო დაეკისრათ.

გამოძიება წინასწარი შეთანხმებით ჯგუფის მიერ დიდი ოდენობით თაღლითობის და სამსახურებრივი სიყალბის ფაქტზე მიმდინარეობდა.

On.ge დამატებითი დეტალებისთვის სასამართლოსთან ცდილობს დაკავშირებას.

სახელმწიფო უსაფრთხოების სამსახურმა პარტიის საქართველოსთვის წევრი 28 მარტს დააკავა. პარტიაში დაკავებას უკანონოს უწოდებენ და ამბობენ, რომ მმართველი გუნდი ვერ ეგუება ძალაუფლების დაკარგვას და აგრძელებს ოპოზიციაზე ზეწოლებს.