თბილისში, 2016 წელს, მტვრის, ნახშირორჟანგის და აზოტის დიოქსიდის ზღვრულ დასაშვებ კონცენტრაციაზე მაღალი იყო. ამის შესახებ გარემოსა დაცვისა და ბუნებრივი რესურსების მინისტრის ანგარიშში ვკითხულობთ, რომელიც ატმოსფერული ჰაერის ხარისხის მონიტორინგს შეეხება. ანგარიშში მოცემულია საქართველოს კიდევ ოთხი ქალაქის - ქუთაისის, ბათუმის, ზესტაფონისა და რუსთავის მონაცემები.

ფოტო: გარემოს დაცვისა და ბუნებრივი რესურსების სამინისტრო

მტვერი

ხუთი ქალაქში მტვრის რაოდენობა ზღვრულ დასაშვებ კონცენტრაციაზე მაღალია. ყველაზე მაღალი მაჩვენებელი ქუთაისში დაფიქსირდა. ამ ქალაქში მტვერი დასაშვებ ნორმაზე თითქმის ხუთჯერ მეტია. შედარებით ნაკლები მტვერია რუსთავში, თუმცა, მონაცემები დასაშვებ ნორმას თითქმის ოთხჯერ აღემატება. შედარებით ნაკლებია თბილისში ეს მონაცემი. ამ სამ ქალაქზე ნაკლებადაა ჰაერი მტვრით დაბინძურებული ბათუმსა და ზესტაფონში.

აზოტის დიოქსიდი

ხუთივე ქალაქში აზოტის დიოქსიდის მაჩვენებელი ზღვრულ ნორმაზე მაღალია, თუმცა, ზესტაფონის შემთხვევაში, ეს მონაცემი, სხვა ქალაქებთან შედარებით, მცირედით აღემატება ნორმას. აზოტის დიოქსიდის ყველაზე მაღალი მაჩვენებელი ბათუმში დაფიქსირდა და დასაშვებ ნორმას თითქმის ოთხჯერ აღემატება. შედარებით ნაკლებია აზოტის დიოქსიდი რუსთავში, თუმცა, ამ შემთხვევაში ეს მაჩვენებელი დასაშვებ ნორმას თითქმის სამჯერ აღემატება, თბილისში კი, მაჩვენებელი ნორმაზე დაახლოებით ორჯერ მეტია. იგივე შენაერთი კიდევ უფრო ნაკლები ქუთაისშია.

ნახშირორჟანგი

ნახშირორჟანგი დასაშვებ ნორმას ამ ხუთი ქალაქიდან მხოლოდ თბილისში აღემატება.

ტყვია

ტყვიის შემცველობა, ჩამოთვლილი ხუთი ქალაქიდან, ყველაგან დასაშვებ ნორმზე სამჯერ ან უფრო მეტჯერ ნაკლებია.