ყაზანის რუბინმა ოფიციალურ ფეისბუქ გვერდზე გაავრცელა ინფორმაცია, რომ ხვიჩა კვარაცხელიასა და კლუბს შორის კონტრაქტი შეჩერდა. მათი თქმით, ეს ორმხრივი შეთანხმება იყო.

"საფეხბურთ კლუბმა რუბინმა და ხვიჩა კვარაცხელიამ ხელშეკრულების შეჩერებაზე გადაწყვეტილება მიიღეს. ფეხბურთელის მხარემ კონსულტაციები კლუბთან გაიარა, რის შემდეგაც, სამუშაო კონტრაქტის შეჩერებაზე ორმხრივი შეთანხმება შედგა. ჩვენ მადლობას ვუხდით კვარაცხელიას რუბინში გატარებული დროისთვის და წარმატებებს ვუსურვებთ", — წერს კლუბი.

ამ განცხადებამდე, კლუბმა იმავე ტვიტერზე კვარაცხელიას ფოტო გამოაქვეყნა წარწერით: "ნუღარ წერთ, რომ სადმე მივდივარ".

უკრაინაში მიმდინარე ომის პარალელურად, მხარდამჭერები მოითხოვდენ, რომ კვარაცხელას კლუბი დაეტოვებინა. რამდენიმე დღეა აქტიურად ვრცელდება ინფორმაცია, რომ ის კლუბიდან მოდის, თუმცა დადასტურებული ინფორმაცია ამ დრომდე არ ყოფილა. მან 20 მარტს ყაზანის რუბინის კაპიტნის სამკლაურით ითამაშა CSK-თან, სადაც გუნდი 6-ით 1 დამარცხდა.