რუსეთისთვის ახალ სანქციებს საფრანგეთი, გერმანია, იტალია, ბრიტანეთი, კანადა და აშშ-ც აწესებენ. თეთრი სახლის განცხადებაში ქვეყნების ლიდერები გმობენ რუსეთის ომს და აცხადებენ, რომ ეს პუტინისთვის სტრატეგიული მარცხი იქნება.

განცხადებაში აღნიშნულია, რომ ისინი უზრუნველყოფენ რუსეთის გარკვეული ბანკების SWIFT-დან გარიცხავს, რაც მათ საერთაშორისო საფინანსო სისტემიდან გამოთიშავს და მსოფლიოს გარშემო ოპერირებას დააზარალებს.

ამასთან, ქვეყნები იღებენ ვალდებულებას, რომ დააწესონ შემაკავებელი ზომები რუსეთის ცენტრალურ ბანკზე, რუსულ ელიტასა და იმ ადამიანებზე, რომლებმაც ხელი შეუწყვეს უკრაინაში ომს და რუსეთის მთავრობის დამაზიანებელ საქმიანობებს.

მათივე თქმით, შექმნიან ტრანსატლანტიკურ სამუშაო ჯგუფს, რომელიც დაწესებული სანქციების ეფექტურად აღსრულებას უზრუნველყოფს — კერძოდ, მოახდენს სანქცირებული პირების იდენტიფიცირებასა და მათ აქტივებს გაუყინავს.

დღეს ევროკომისიის პრეზიდენტმა, ურსულა ფონ დერ ლაიენმა განცხადა, რომ რუსული ბანკების გარკვეულ რაოდენობას SWIFT-დან გათიშავენ. მისივე თქმით, მოახდენენ რუსეთის ცენტრალური ბანკის აქტივების პარალიზებას და დაასანქცირებენ რუს ოლიგაქრებს.