საქსტატის ინფორმაციით, 2021 წლის იანვარ-ოქტომბერში საქართველოდან ექსპორტზე 3,39 მილიარდი დოლარის საქონელი გავიდა, ხოლო იმპორტის მოცულობამ 7,96 მილიარდი შეადგინა. ბოლო ერთ წელში ექსპორტი გაზრდილია 24,9%-ით, იმპორტმა კი 22,3%-ით მოიმატა.

სავაჭრო ბრუნვის (ექსპორტისა და იმპორტის ჯამი) მიხედვით, საქართველოსთვის მთავარი სავაჭრო პარტნიორები თურქეთი, რუსეთი და ჩინეთია. უფრო კონკრეტულად,მიმდინარე წლის ათი თვის მდგომარეობით, მთავარი იმპორტიორი თურქეთია, ყველაზე მეტი საქონელი კი ჩინეთში გადის.

თურქეთი

იანვარ-ოქტომბერში საქართველოდან თურქეთში 260 მილიონი დოლარის საქონელი გავიდა, იმპორტის მოცულობამ კი 1,4 მილიარდი დოლარი შეადგინა.

ექსპორტი:

• ტრიკოტაჟის ნაწარმი — $53,2 მილიონი;
• ფეროშენადნობები — $42,4 მილიონი;
• კოსტუმები, კომპლექტები, ტრიკოტაჟისა, ნაქსოვი, მამაკაცისა ან ბიჭისა — $26,2 მილიონი;
• სხვა — $138,3 მილიონი;

იმპორტი:

• ავტომობილები, განკუთვნილი 10 კაცის ან მეტის გადასაყვანად — $55 მილიონი;
• მილები, მილაკები და ღრუ პროფილები — $40,7 მილიონი;
• მზა ნაწარმი სხვა, ტანსაცმლის თარგების ჩათვლით — $37,1 მილიონი;
• სხვა — $1,29 მილიარდი;

რუსეთი

მიმდინარე წლის ათ თვეში საქარველოდან რუსეთში 481,8 მილიონი დოლარის საქონელი გავყიდეთ, ხოლო იმპორტის მოცულობამ 812,2 მილიონი შეადგინა.

ექსპორტი:

• ფეროშენადნობები — $134,3 მილიონი;
• ყურძნის ნატურალური ღვინოები — $106 მილიონი;
• მინერალური და მტკნარი წყლები — $50,5 მილიონი;
• სხვა — $191 მილიონი;

იმპორტი:

• ნავთობი და ნავთობპროდუქტები — $104,6 მილიონი;
• ხორბალი და მესლინი — $73,1 მილიონი;
• ნავთობის აირები და სხვა აირისებრი ნახშირწყალბადები — $72,1 მილიონი;
• სხვა — $562,4 მილიონი;

ჩინეთი

ჩინეთი საქართველოსთვის კიდევ ერთი მთავარი სავაჭრო პარტნიორია. 2021 წლის იანვარ-ოქტომბერში ჩინეთიდან 705,2 მილიონი დოლარის საქონელი შემოვიდა, ხოლო საექსპორტოდ 520,6 მილიონის პროდუქცია გავიტანეთ.

ექსპორტი:

• სპილენძის მადნები და კონცენტრატები — $426,3 მილიონი;
• ძვირფასი ლითონების მადნები და კონცენტრატები — $36,3 მილიონი;
• ხელსაწყოები და მოწყობილობები მედიცინაში ან ვეტერინარიაში გამოსაყენებელი — $17 მილიონი;
• სხვა — $29 მილიონი;

იმპორტი:

• მანქანები და მექანიზმები გადაადგილების, ამოთხრის ან გაბურღვისათვის — $42,5 მილიონი;
• ბრტყელი ნაგლინი ნახშირბადიანი ფოლადისაგან — $38,2 მილიონი;
• ვაქცინები, სისხლი და იმუნური პროდუქტები — $33,9 მილიონი;
• სხვა — $590,6 მილიონი;

თუ საერთო სურათს შევხედავთ, ვნახავთ, რომ ჯამში საექსპორტო სასაქონლო ჯგუფებს შორის სპილენძის მადნები და კონცენტრატები ლიდერობს ($655,6 მილიონი), ხოლო იმპორტის ნაწილში ყველაზე მეტი მოცულობით მსუბუქი ავტომობილები ($706,7 მილიონი) შემოგვაქვს.