ტერმინი "ადამიანური რესურსების მენეჯმენტი", რომელსაც ადრე "პერსონალის ადმინისტრირებას" უწოდებდნენ, დღეისთვის კომპანიის ერთ-ერთი უმნიშვნელოვანეს ორგანიზაციულ ფუნქციას აღნიშნავს. პერსონალის ადმინისტრირება, რომელიც 1920-იანი წლებისთვის მკაფიოდ განსაზღვრულ სფეროდ ჩამოყალიბდა (ყოველ შემთხვევაში, შეერთებულ შტატებში), დიდწილად ეხებოდა ისეთ ტექნიკურ ასპექტებს, როგორებიცაა: თანამშრომლების დაქირავება, ანაზღაურება, შეფასება და ტრენინგი.

ადამიანური რესურსების მენეჯმენტი (HRM), რომელსაც ასევე პერსონალის მენეჯმენტს უწოდებენ, მოიცავს საწარმოს მიერ განხორციელებულ ყველა აქტივობას, რომელიც მიზნად თანამშრომლების ეფექტიან გამოყენებას ისახავს ინდივიდუალური, ჯგუფური და ორგანიზაციული მიზნების მისაღწევად. სწორედ ამიტომ, საერთაშორისო ან მაღალი ორგანიზაციული სტანდარტით მომუშავე დამსაქმებელი კომპანიები მომავალ HR თანამშრომლებს ტიტულების და კვალიფიკაციის მიხედვით არჩევენ, რადგან HR მენეჯმენტი მნიშვნელოვან როლს ასრულებს ორგანიზაციის კულტურის განვითარებაში, განმტკიცებასა და შეცვლაში.

დღევანდელ HR პროფესიონალებს აქვთ იმის უნარ-ჩვევები და კვალიფიკაცია, რომ ორგანიზაციას პერსონალს, მენეჯმენტსა და კომპანიის სტრატეგიას შორის წონასწორობის მიღწევაში დაეხმარონ.

სწორედ ამიტომ, კონკურენტულ ბიზნეს სამყაროში არსებობს მრავალი მიზეზი, რის გამოც მნიშვნელოვანია HR სერტიფიცირება. მაგალითად, აშშ-ის შრომის სტატისტიკის ბიუროს (BLS) პროგნოზით, ადამიანური რესურსების პროფესიონალებზე მოთხოვნა 2024 წლისთვის 9%-ით გაიზრდება.

იმისთვის, რომ ადამიანური რესურსების პროფესიონალს HR კარიერაში პრესტიჟული როლი ჰქონდეს და გათვალისწინებული იყოს მაღალი თანამდებობებისთვის, აუცილებელია საერთაშორისო HR განათლებისა და გამოცდილების ქონა. სწორედ ამას გვთავაზობს მსოფლიოში HR-ის კუთხით ლიდერი ორგანიზაცია ადამიანური რესურსების მართვის სერტიფიცირების ინსტიტუტი (HRCI). HRCI არის HR პროფესიის უმაღლესი სასერტიფიკატო და სასწავლო ორგანიზაცია, რომელიც 45 წელზე მეტია, ადამიანური რესურსების გამოცდილებისა და მაღალი ხარისხის შესაქმნელად გლობალურ სტანდარტებს ადგენს.

HRCI-ის ტიტულის უპირატესობებია:

  • საერთაშორისო დასაქმების ბაზა
  • სწრაფი კარიერული წინსვლა
  • მაღალი ანაზღაურება
  • კურსდამთავრებულის პრესტიჟული სტატუსი
  • ონლაინ სამკერდე ნიშანი სოციალურ ქსელებში სტატუსის გამოსახატად.

ადამიანური რესურსების მართვის სერტიფიცირების ინსტიტუტი ავითარებს და ახორციელებს როგორც მსოფლიო დონის სწავლებას, ასევე რვა გლობალური სერთიფიკატის ადმინისტრირებას. ამ ტიტულებს შორის განსხვავება არის HR სპეციალისტის სამუშაო გამოცდილება და კვალიფიკაცია.

HR-ში კარიერული წარმატება დამოკიდებულია ახალი უნარების ათვისებასა და საერთაშორისო გამოცდილებაზე. სწორედ ამიტომ, BDO Academy წლებია HRCI-ის მოსამზადებელი კურსების ოფიციალური პროვაიდერის (CPP) სტატუსის მფლობელია და დაინტერესებულ პირებს სთავაზობს გამოცდებისთვის მოსამზადებელ კურსებს, როგორც PHRi-ის, ასევე SPHRi-ის ტიტულების მისაღებად.

დროა, გადადგათ ნაბიჯი საერთაშორისო HR სერტიფიცირებისკენ.