დედა-შვილი მასკები ნამდვილად ჰგვანან ერთმანეთს.

როგორც ცნობილია, ილონ მასკს მუდმივი საცხოვრებელი არ აქვს და ურჩევნია, ღამეები მეგობრებთან ან დროებით საცხოვრებლებში გაატაროს.

მისი 78 წლის დედა, მეი მასკი, ამბობს, რომ ასეთი ცხოვრება არც მისთვისაა უცხო. იგი კალაჰარის უდაბნოში, კარვებში გაიზარდა და 60 წლამდე მუდამ სხვების დივნებზე ეძინა.

"დივანი ან თუნდაც იატაკზე გასაშლელი ლეიბი თუ მაინც მაქვს, მეტი არაფერი მჭირდება. იატაკზე გძინავს, მაგრამ თავზე ჭერი გახურავს. ეს ფუფუნებაა" — განაცხადა მეიმ.

მისი თქმით, როცა ილონს Starbase-ში — SpaceX-ის სარაკეტო ბაზაში — სტუმრობს, სარდაფში სძინავს ხოლმე.

ილონის მამასთან, ეროლთან (რომელსაც მეი ფიზიკურ და ემოციურ მოძალადედ ახასიათებს) მრავალწლიანი ქორწინების შემდეგ, მეი ქმარს დაშორდა. საკუთარი თავისა და შვილების სარჩენად მას ერთდროულად რამდენიმე ადგილას უწევდა მუშაობა — ეს სამსახურები ძირითადად ნუტრიციოლოგობასა და მოდელობას მოიცავდა.

ფოტო: Sports Illustrated

"სადილების, კინოს, ძვირფასი ტანსაცმლისა თუ ნებისმიერი სხვა რამის გარეშე ცხოვრება შესაძლებელია, მთავარია გვერდით არ გყავდეს ბოროტი ადამიანი, რომელიც სულ გიყვირის", — აღნიშნა მეიმ.

50 წლის ასაკში იგი ნიუ-იორკში გადავიდა საცხოვრებლად, რადგან მისი აზრით, ნიუ-იორკელები "სწრაფად დადიან, სწრაფად ლაპარაკობენ, სწრაფად აზროვნებენ" და ეს მეის საშუალებას მისცემდა, მოდელობისთვის მეტი ყურადღება დაეთმო.

ახლა, 70 წელს გადაცილებული, სულაც არ აპირებს ტემპის დაგდებას — მეის მრავალფეროვანი კარიერა სულ უფრო წინ მიიწევს. 2022 წელს ის გახდა ყველაზე ასაკოვანი ქალი, რომელიც Sports Illustrated Swimsuit-ის გარეკანზე გამოჩნდა, ამჟამად კი CoverGirl-ის სახეა.

ვიტყოდი, რომ სამოცდაათიანი წლები ჩემთვის საუკეთესო აღმოჩნდა — აღნიშნავს მეი.