2016 წლის 20 სექტემბერს მსოფლიოს წამყვანი სააგენტოები ანჯელინა ჯოლისა და ბრედ პიტის დაშორებაზე ალაპარაკდნენ. თუმცა, როგორც გაირკვა, ბრანჯელინას ისტორია ამით არ დასრულებულა. ჰოლივუდის ვარსკვლავებმა ნახევარწლიანი პაუზის შემდეგ ურთიერთობა აღადგინეს.

როგორც სხვადასხვა გამოცემები წერენ, ბრედი და ანჯელინა ერთმანეთს ხვდებიან და ხშირად საუბრობენ, ამასთანავე აღნიშნავენ, რომ პიტი უფრო თავისუფალი და ბედნიერი გახდა, რადგან დაძაბულობა აღარ არსებობს და შვილებსაც უფრო ხშირად ნახულობს, ვიდრე ეს განქორწინების პირველ თვეებში იყო.

შეგახსენებთ, რომ ბრედმა და ანჯელინამ ერთმანეთი "მისტერ და მისის სმიტების" გადასაღებ მოედანზე გაიცნეს 2005 წელს, 2014 წელს კი ოფიციალურად დაქორწინდნენ. წყვილს 6 შვილი ჰყავს.