რუსთავი 2-ის მხარდამჭერთა ნაწილმა ღამე გაათია ტელეკომპანიის ეზოსთან გაშლილ კარავში. ტელეარხის მიმდებარედ ვითარება მთელი ღამის განმავლობაში მშვიდი იყო.

მხარდამჭერებმა რუსთავი 2-თან შეკრება 2 მარტს, უზენაესი სასამართლოს გადაწყვეტილების გამოცხადების შემდეგ დაიწყეს. უმაღლესმა ინსტანციამ ტელეკომპანია რუსთავი 2-ს განაჩენი ერთხმად გამოუტანა და ის ქიბარ ხალვაშს მიაკუთვნა.

ტელეკომპანიის ამჟამინდელმა დირექტორმა, ნიკა გვარამიამ ქიბარ ხალვაშს საჯაროდ შესთავაზა, რომ თუ მას ნამდვილად სურს ამ არხის სარედაქციო დამოუკიდებლობის შენარჩუნება, მისი წილები მიყიდოს არხის თანამშრომლებს. გვარამიას განცხადების საპასუხოდ ხალვაშმა თქვა, რომ ეს წარმოუდგენელია.