ნორფოლკის მკვიდრის, ჯემა ბარბიერის თავს დაუჯერებელი ამბავი დატრიალდა: ჯემას ცხოველთა თავშესაფრიდან დაუკავშირდნენ და აცნობეს, რომ მისი 13 წლის წინ დაკარგული კატა იპოვეს.

14 წლის შავი კატა, სახელად როუზი თავშესაფარში ქუჩიდან აღმოჩნდა. თავშესაფრის თანამშრომლებმა მის ოჯახს კატის ჩიპის სკანირების შედეგად მიაგნეს. ოჯახმა როუზი 2007 წელს მოიყვანა, თუმცა 1 წლის შემდეგ, სამწუხაროდ, კატა დაიკარგა. დამწუხრებულმა ოჯახმა ოთხფეხა მეგობრის მოსაძებნად ყველაფერი იღონა, თუმცა — უშედეგოდ.

ფოტო: CATS PROTECTION

არავინ იცის, სად იყო და რას საქმიანობდა როუზი უკანასკნელი 13 წლის განმავლობაში, თუმცა ახლა ის ნამდვილად საიმედო ხელშია. ჯემამ აღნიშნა, რომ კატა ჯანმრთელია და თავს კარგად გრძნობს. როუზს არც გაუცხოების ეტყობა რამე: ჯემას თქმით, კატამ სახლი უკვე დაათვალიერა და ოჯახთან თამაშიც მოასწრო.