ჭადრაკის 18 წლის დიდოსტატი დორსა დერახშანი ირანის ნაკრებიდან მას შემდეგ გარიცხეს, რაც ის გიბრალტარში მიმდინარე საჭადრაკო ტურნირზე ჰიჯაბის გარეშე გამოცხადდა.

დორსას, რომელიც ესპანეთში სწავლობს, ირანის სახელით ასპარეზობა და ირანში გამართულ ყველა მომავალ ტურნირში მონაწილეობა აეკრძალა.

გარდა ამისა, ამავე ტურნირზე გამართული მატჩის გამო ნაკრებიდან მოიკვეთა დორსა დერახშანის 15 წლის ძმა, რომელიც მხოლოდ იმისთვის დასაჯეს, რომ ისრაელის წარმომადგენელს ეთამაშებოდა. ირანი ამჟამად არ ცნობს ისრაელის სახელმწიფოს.

საგულისხმოა ისიც, რომ ამჟამად ჭადრაკის მსოფლიო ჩემპიონატი ქალთა შორის თეირანში მიმდინარეობს.

ამ ჩემპიონატს ბოიკოტი გამოუცხადა ამერიკის სახელით მოასპარეზე ქართველმა მოჭადრაკე ნაზი პაიკიძემ.