დღეს, 16 აპრილს, საქართველოს ეროვნულ ბოტანიკურ ბაღში საკურას ყვავილობის დღები იწყება, რომელიც 3 დღე გაგრძელდება. რეკრეაციული ზონა გაზაფხულის მახარობელ ვარდისფერ ყვავილებზე შეყვარებულ მოქალაქეებს 12:00 საათიდან 17:00 საათამდე ეპატიჟება.

ლამაზად მოყვავილე საკურასთან ერთად, იაპონურ ბაღში იაპონურ თემაზე ახალგაზრდა მხატვრების გამოფენაც დაგხვდებათ, ასევე გამოიფინება ბოტანიკური ბაღის ბონსაის კოლექციაც.

ეროვნული ბოტანიკური ბაღი ვიზიტორებს იაპონური ბაღის ტერიტორიაზე პირბადის ტარებას სთხოვს.

იაპონიის საელჩომ შარშან თბილისს 100 ნერგი საკურა გადასცა, რომელთა დიდი ნაწილი სწორედ ბოტანიკურ ბაღში დაირგო.

საკურას ყვავილობის დღეებია მსოფლიოს სხვადასხვა კუთხეშიც:

ნიუ-იორკი

პარიზი

ციურიხი

ტოკიო