ცოტახნის წინ, Bridgerton-ის ბევრ მაყურებელს ძალიან დაწყდა გული, როცა შეიტყვეს რომ საიმონ ბასეტის როლის შემსრულებელი, რეგე-ჟან პეიჯი სერიალს ტოვებდა. მიუხედავად იმისა, რომ მისმა პერსონაჟმა, ფანებისგან, ყველაზე დიდი სიყვარული დაიმსახურა.

მსახიობის გადაწყვეტილებას სხვადასხვა მიზეზით ხსნიდნენ. მაგრამ, საბოლოოდ გაირკვა, რომ რეგე-ჟან პეიჯმა ახალი ხელფასი დაიწუნა. სერიალის ახალ სეზონებში, მისი პერსონაჟი, ეპიზოდურ როლში იქნებოდა. კონტრაქტის გასაგრძელებლად კი მსახიობს ერთ სერიაში 50 ათასი დოლარი შესთავაზეს, რაც მისთვის საკმარისი არ აღმოჩნდა.

ფოტო: Tumblr

თუმცა, მისი წარმომადგენლები სხვა მიზეზებსაც ასახელებენ, როგორიცაა კინო-კარიერაზე ფოკუსი და ფაქტი, რომ სერიალში მის ისტორიას უკვე ბედნიერი დასასრული ჰქონდა. მსახიობი გაგრძელების აზრს ვერ ხედავს, თუმცა სერიალზე მომუშავე ჯგუფს მადლობას უხდის.

"მომეცა შანსი, მოვსულიყავი და ჩემი წვლილი შემეტანა, ბრიჯერტონის ოჯახი კი ცხოვრებას განაგრძობს", — განმარტავს იგი.

ფოტო: Tumblr

როგორც იცით, ახალი სეზონში უკვე სხვა პერსონაჟები იქნებიან ყურადღების ცენტრში. თუმცა საიმონ ბასეტი ნამდვილად დიდი დანაკლისი იქნება შოუს მაყურებლისთვის. ისღა დაგვრჩენია, რომ მსახიობს წარმატება ვუსურვოთ და თვალი ვადევნოთ მის კარიერას. მანამდე კი, ბრიჯერტონში მისი მომენტებით დავტკბეთ.

ფოტო: Tumblr

ასევე იხილეთ: