შეიძლება ითქვას, რომ დღევანდელი დღე ძალიან კარგად დაიწყო. FX-მა, როგორც იქნა, გვაღირსა სერიალ შუღლის ტრეილერი.

შუღლი ჰოლივუდის ოქროს ხანის ლეგენდარული მსახიობების ცხოვრებასა და მათ დაძაბულ ურთიერთობებზე მოგვითხრობს. ყურადღების ეპიცენტრში კი ბეტ დევისისა (სუზან სარანდონი) და ჯოან კროუფორდის (ჯესიკა ლენგი) ურთიერთობაა. რეჟისორი და სცენარისტი ჰორორის ჟანრის კლასიკად შერაცხული ფილმის რა დაემართა ბეიბი ჯეინს? კულისებში შეგვახედებს და მსახიობებს შორის არსებულ დაძაბულობას გვიჩვენებს. თუ ჰოლივუდის ინტრიგები გიყვართ, ეს შოუც აუცილებლად დაგაინტერესებთ.

როგორც რაიან მერფის შეეფერება, სამსახიობო შემადგენლობა ამ შემთხვევაშიც ვარსკვლავური იქნება და მთავარ როლებს - ჯესიკა ლენგი, სიუზან სარანდონი, კეტრინ ზეტა ჯონსი, სარა პოლსონი და ქეთი ბეიტსი შეასრულებენ.

სერიალის პრემიერა FX-ზე 2017 წლის 5 მარტს შედგება, მისი პროდიუსერი კი ბრედ პიტი იქნება.