ერთიანი ნაციონალური მოძრაობის ერთ-ერთ წარმომადგენელს, გიორგი ჩალაძეს პარლამენტის წინ კარვის გაშლის შესაძლებლობას პოლიცია არ აძლევს.

"კარვის ფობია უნდა დასრულდეს ამ ქვეყანაში. ეს არის ჩვენი უფლება, რომ გამოვხატოთ პროტესტი და ჩავატაროთ სამართლის შესაბამისი აქტები. ჩემს მეგობრებს ველოდები, ვთხოვ, მობრძანდნენ და ჩავატაროთ საჯარო ლექციები", — განაცხადა ჩალაძემ.

ჩალაძე აცხადებდა, რომ კარავში 1 კვირის მანძილზე საგანმანათლებლო ლექციებს ჩაატარებდა, აქ ის მარტო იყო მისული. როგორც პოლიციამ განუცხადა, ხვალ ღონისძიებაა დაგეგმილი და კარვის გაშლის შესაძლებლობა არ მისცეს, თუმცა იქ დადებაში ხელი არ შეუშლიათ.