2016 წელს საქონლით საქართველოს საგარეო სავაჭრო ბრუნვამ ექსპორტისა და იმპორტის შემთხვევაში იკლო. იმპორტის შემთხვევაში კლება არ იქნება, თუ მონაცემებს C ჰეპატიტის მედიკამენტების შემოტანასაც მივათვლით. 2016 წლის წინასწარი მონაცემები საქსტატმა გამოაქვეყნა.

2016 წელს ექსპორტი, წინა წელთან შედარებით, 4 პროცენტით ნაკლები - 2 114 მლნ. აშშ დოლარი იყო. ამავე პერიოდში იმპორტი, C ჰეპატიტის მედიკამენტების გარეშე, გასულ წელთან შედარებით 1 პროცენტით ნაკლებია (7 233 მლნ. აშშ დოლარი). თუ იმპორტის შემთხვევაში C ჰეპატიტის მედიკამენტების შემოტანასაც გავითვალისწინებთ, წლიური სავაჭრო იმპორტი 9 852 მლნ. აშშ დოლარი იყო. ეს თანხა გასული წლის მაჩვენებელთან შედარებით 27 პროცენტით მეტია.

C ჰეპატიტის მედიკამენტების შემოტანის გათვალისწინებით, 2016 წელს საქართველოში საქონლით საგარეო სავაჭრო ბრუნვა 20 პროცენტით გაზრდილია და 11 966 მლნ. აშშ დოლარი შეადგინა.

საქართველოს უარყოფითმა სავაჭრო ბალანსი 2016 წელს 7 738 მლნ. აშშ დოლარი იყო, რაც საგარეო სავაჭრო ბრუნვის 65 პროცენტია.