საქართველოს რკინიგზაში მატარებლებში ბიბლიოთეკების მოსაწყობად სამზადისი დაწყებულია. საზოგადოებასთან ურთიერთობის მენეჯერი დაჩი ცაგურია iPress-თან საუბრისას აცხადებს, რომ ბიბლიოთეკისთვის წიგნების შეგროვება უკვე დაიწყო.

ინიციატივა უკვე ორი დღეა რაც გასაჯაროვდა. მსურველებს შეუძლიათ წიგნები აჩუქონ რკინიგზას და მიიტანონ თბილისი ცენტრალში, სალაროების გვერდით, მორიგის ოთახში.

"როდესაც მგზავრი მატარებელში ჩაჯდება, იქნება გარკვეული ჩამონათვალი, მივა, შეარჩევს, გზაში წაიკითხავს და ჩასვლამდე დაუბრუნებს გამცილებელს" - ამბობს დაჩი ცაგურია ინტერვიუში.

რკინიგზას სურს, რომ ინიციატივა ზაფხულამდე განხორციელდეს. სრული ინტერვიუ შეგიძლიათ ნახოთ iPress-ზე.