პატარძლების დიდი ნაწილი, ვინც საქორწინო სამზადისშია, განსაკუთრებულად დიდ დროს უთმობს იმ სამოსზე ფიქრს, რომელიც მას ამ მნიშვნელოვან დღეს დაამშვენებს, რადგანაც საქორწინო კაბა მთელი ამ რიტუალური ცერემონიის განუყრელ ატრიბუტად ითვლება.

ამიტომაც ამ ერთი დღისთვის შესაფერისი კაბის შერჩევას დიდი ენერგია მიაქვს და წარმოიდგინეთ, საბოლოო გადაწყვეტილების მიღების შემდეგ რომ აღმოაჩინოთ, ვიღაცამ თქვენი მოტყუება სცადა: ის კაბა ვერ მიიღეთ, რომელსაც ელოდით.

ასე მოუვიდა ამერიკელ დიუქს ობრის. ყოველ შემთხვევაში, თავიდან მას ასე ეგონა, თუმცა საბოლოოდ ყველაფერი ისე კომიკურად წარიმართა, რომ ეს ისტორია აუცილებლად გაგახალისებთ: ამის შესახებ თავად ამ ამბის გმირმა ფეისბუქზე გამოქვეყნებული პოსტით მოგვითხრო.

დიუქს ობრიმ, რომელიც ქორწილისთვის ემზადებოდა, რამდენიმე კვირის წინ თავისი კაბა ინტერნეტით შეუკვეთა და მოუთმენლად ელოდა, თუ როდის მოირგებდა მას ტანზე

ფოტო: Deux Aubrey

აი, ეს კაბაა, რომელიც თავისი ცხოვრების ერთ-ერთ ყველაზე მნიშვნელოვან დღეს უნდა ჩაეცვა

ფოტო: Deux Aubrey

თუმცა საშინლად გაწბილებული დარჩა: კაბა საერთოდ არ გამოიყურება ისე, როგორც ეს შეკვეთისას ნახა

ფოტო: Deux Aubrey

მართლაც, ის ასეთი უნდა ყოფილიყო

ფოტო: Deux Aubrey

მაგრამ რაც სახლში მიიღო, მსგავსად საერთოდ არ გამოიყურებოდა. ამიტომაც, ცხადია, კომპანიას გაბრაზებული წერილი მისწერა და კაბის დაბრუნება მოითხოვა

ფოტო: Deux Aubrey

რა თქმა უნდა, მის ადგილას ყველა ასე მოვიქცეოდით, თუმცა კომპანიის მიერ გამოგზავნილმა პასუხმა ყველანაირ მოლოდინს გადააჭარბა: ობრის უთხრეს, რომ კაბა ამოტრიალებული ეცვა და აჯობებდა, სწორად ჩაცმა ეცადა

ფოტო: Deux Aubrey

და პრობლემაც მოგვარდა

ფოტო: Giphy