შინაგან საქმეთა სამინისტრომ საპარლამენტო არჩევნებისას მიმდინარე სისხლის სამართლის 12 და ადმინისტრაციული სამართალდარღვევის 16 ფაქტზე გამოძიება დაიწყო. ამის შესახებ მინისტრის მოადგილემ, კახაბერ საბანაძემ სპეციალურად გამართულ ბრიფინგზე ისაუბრა.

"პოლიციამ არჩევნების დღეს საქართველოს მთელ ტერიტორიაზე 12 სისხლის სამართლის საქმეზე დაიწყო გამოძიება, ასევე, ადმინისტრაციული საქმის წარმოება დაიწყო 16 საქმეზე. სისხლის სამართლის კოდექსის 187-ე მუხლით დაწყებულ გამოძიებას, რომელიც გლდანში TV პირველის ჟურნალისტთან მომხდარ ინცინდენტს უკავშირდება, დაემატა 154-ე მუხლის პირველი ნაწილი, რაც ჟურნალისტისათვის პროფესიულ საქმიანობაში უკანონოდ ხელის შეშლას გულისხმობს. სისხლის სამართლის კოდექსის პირველი ნაწილით დაიწყო გამოძიება ქალაქ თბილისში ნომერ მე-40 საარჩევნო უბნის მიმდებარე ტერიტორიაზე მომხდარ ფიზიკური ძალადობის ფაქტზე.

სისსხლის სამართლის კოდექსის 162-ე პრიმა მუხლის 1-ლი ნაწილით მიმდინარეობს გამოძიება ვარკეთილის მე-4 მკ/რ-ში 39-ე და მე-40 საარჩევნო უბნების მიმდებარე ტერიტორიებზე მომხდარ ინცინდენტებთან დაკავშირებით. სისხლის სამართლის კოდექსის 126-ე მუხლის პირველი ნაწილითაა გამოცდილება თბილისში, კახეთის გზატკეცილზე განთავსებულ 78-ე საარჩევნო უბანზე მომხდარ ინცინდენტთან დაკავშირებით. სისხლის სამართლის კოდექსის 187-ე, 162-ე მუხლის პირველი პრიმა მუხლის პირველი ნაწილით მიმდინარეობს გამოძიება თბილისში 90-ე საარჩევნო უბანზე მომხდარ ინცინდენტთან დაკავშირებით", — განაცხადა საბანაძემ.

რაც შეეხება რეგიონებს, გამოძიება დაიწყო ქუთაისში, მარნეულში, სენაკში და სხვა რამდენიმე რეგიონში მიმდინარე სამართალდარღვევის საქმეზე.

"ქალაქ ქუთაისში N37 საარჩევნო უბნის მიმდებარე ტერიტორიაზე მომხდარი დაპირისპირების ზღვარზე ფაქტზე ქუთაისის სამმართველოში სისხლის სამართლის კოდექსის 162-ე პრიმა მუხლის პირველი ნაწილით დაიწყო გამოძიება. სისხლის სამართლის 126-ე მუხლის პირველი ნაწილითაა დაწყებული გამოძიება რუსთავის N16 საარჩევნო უბნის გარე პერიმეტრზე მომხდარ ინცინდენტთან დაკავშირებით. სს კოდექსის 126-ე მუხლის პირველი ნაწილითა და 353-ე პრიმა მუხლით მიმდინარეობს გამოძიება რუსთავში N64 საარჩევნო უბანთან მომხდარ ფაქტთან დაკავშირებით. აღნიშნულ ფაქტზე დაკავებულია ერთი პირი. სს კოდექსის პირველი პრიმა მუხლის პირველი ნაწილით დაიწყო გამოძიება მარნეულის რაიონის სოფელ დაშტაბში მდებარე N52 საარჩევნო უბანზე მდებარე მომხდარ ინცინდენტთან დაკავშირებით. სს კოდექსის 126-ე მუხლით მიმდინარეობს გამოძიება მარნეულის რაიონის სოფელ ყიზილაჯლოში მდებარე 89-ე საარჩევნო უბანზე მიმდინარე ინცინდენტზე. სს კოდექსის 162-ე პირველი პრიმა მუხლის პირველი ნაწილით მიმდინარეობს გამოძიება სენაკის N64 საოლქო საარჩევნო კომისიის N16 საარჩევნო უბანთან მომხდართან დაკავშირებით.

ასევე, 126-ე მუხლის პირველი ნაწილითაა გამოძიება დაწყებული მე-80 საარჩევნო უბანზე მომხდარ ინცინდენტთან დაკავშირებით", — თქვა საბანაძემ.

მისივე განცხადებით, პოლიციამ 16 საქმეზე დაიწყო ადმინისტრაციული სამართალწარმოება, რის ფარგლებშიც დაკავებულია 9 პირი, მათ შორის გლდანში, N 39 საჯარო სკოლაში განთავსებულ საარჩევნო უბნის მიმდებარე ტერიტორიაზე მომხდარ ინცინდენტთან დაკავშირებით პოლიციამ ადმინისტრაციული სამართალდარღვევის კოდექსის 166-ე და 73-ე მუხლების საფუძველზე დააკავა ექვსი პირი.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: