შინაგან საქმეთა სამინისტროს განცხადებით, 25 ოქტომბერს ხელვაჩაურში მომხდარი ქურდობის საქმეზე 3 პირი დააკავეს.

უწყების ინფორმაციით, ბრალდებულებმა 25 ოქტომბერს, ღამით ფარულად შეაღწიეს ხელვაჩაურის დასახლებაში მდებარე ერთ-ერთ საცხოვრებელ სახლში, სადაც სამკაულებს, მაჯის საათს, საფულეს და ცეცხლგამძლე სეიფის გასაღებს დაეუფლნენ. ამავდროულად შსს-ს ცნობით, ბრალდებულებმა საცხოვრებლის პატრონს სახის არეში დაზიანება მიაყენეს და ნივთებით შემთხვევის ადგილიდან მიიმალნენ.

უწყების განცხადებით, სამართალდამცველებმა ნივთმტკიცების სახით ნაქურდალი ნივთების ნაწილი ამოიღეს.

შსს-ს ინფორმაციით, საქმეზე გამოძიება სისხლის სამართლის კოდექსის 177-ე მუხლის მესამე ნაწილით მიმდინარეობს, რაც გულისხმობს წინასწარი შეთანხმებით ჯგუფის მიერ ჩადენილ ქურდობას.