ფეისბუქის დამფუძნებელმა მარკ ცუკერბერგმა სოციალური ქსელით ყველას ამცნო, რომ რელიგია მისთვის ძალიან მნიშვნელოვანია.

საკუთარ სტატუსში ცუკერბერგი წერს: "მე, პრისცილა, მაქსი და ბისტი გილოცავთ შობასა და ხანუქას!"

ერთ-ერთმა მომხმარებელმა ჰკითხა, თქვენ ხომ ათეისტი ხართო, რაზეც ცუკერბერგმა უპასუხა: "არა. მე გავიზარდე, როგორც ებრაელი და შემდეგ მქონდა პერიოდი, როცა ეჭვი მეპარებოდა რაღაც საკითხებში. ახლა უკვე დარწმუნებული ვარ, რომ რელიგია ძალიან მნიშვნელოვანია."

ცუკერბერგი დაინტერესებული იყო ბუდიზმითაც, რომლის აღმსარებელიც მისი ცოლი პრისცილაა.