არასრულწლოვანი ძმების მკვლელობის მცდელობაში ბრალდებულს 17 წლით თავისუფლების აღკვეთა მიუსაჯეს. ამის შესახებ ინფორმაციას პროკურატურა ავრცელებს.


მათივე ცნობით, შემთხვევა 2019 წლის 9 აგვისტოს, თბილისში მოხდა და ბრალდებულმა არასრულწლოვან ძმებთან სიტყვიერი და ფიზიკური დაპირისპირების შემდეგ სახლიდან წაღებული ორლულიანი სანადირო თოფიდან, მოკვლის განზრახვით, დამიზნებით, ერთ ძმას, კისრის არეში ესროლა, მეორე ძმას თავში სიცოცხლისთვის სახიფათო ჭრილობა მიაყენა.

მათივე ინფორმაციით, დაკავებულს ბრალი სისხლის სამართლის კოდექსის 19, 109-ე მუხლის მე-2 ნაწილის "ბ" ქვეპუნქტითა და მე-3 ნაწილის "ა" ქვეპუნქტით წარუდგინეს, რაც წინასწარი შეცნობით ორი არასრულწლოვანის მიმართ ჩადენილ განზრახ მკვლელობის მცდელობას გულისხმობს.